ഡല്‍ഹിയിൽ നാലു നിലക്കെട്ടിടം തകർന്നുവീണ് അപകടം

ഡല്‍ഹി | ഡല്‍ഹിയിലെ ബുരാരിയില്‍ കെട്ടിടം തകര്‍ന്ന് വീണ് അപകടം. കെട്ടിടാവശിഷ്ടങ്ങള്‍ക്കിടയില്‍ കുടുങ്ങിയ പത്ത് പേരെ രക്ഷപ്പെടുത്തി.കുട്ടികളടക്കം 10 പേരാണ് അപകടത്തില്‍പ്പെട്ടത്.ഇവരെ ആശുപത്രിയിലേക്ക് മാറ്റി. നിരവധിപ്പേർ കെട്ടിടത്തിനുള്ളിൽ കുടുങ്ങിക്കിടക്കുന്നതായാണ് സൂചന.

ഇന്നലെ രാത്രിയാണ് സംഭവം. ബുരാരിയിലെ ഓസ്‌കാര്‍ പബ്ലിക്ക് സ്‌കൂളിനുസമീപമുള്ള നാലുനിലക്കെട്ടിടമാണ് തകര്‍ന്നത്.

പ്രദേശത്ത് അഗ്‌നിരക്ഷാസേനാംഗങ്ങളും പോലീസും പ്രദേശാവാസികളും ചേര്‍ന്ന് രക്ഷാപ്രവര്‍ത്തനം പുരോഗമിക്കുകയാണ്. കെട്ടിടത്തിന്റെ ബലക്ഷയാണ് അപകടത്തിലേക്ക് നയിച്ചതെന്നാണ് പ്രാഥമിക നിഗമനം