കൊയിലാണ്ടി ചേമഞ്ചേരിയില്‍ ഒരേ ദിശയില്‍ പോയ കാറുകള്‍ കൂട്ടിയിടിച്ച് അപകടം; ഒരാള്‍ക്ക് പരുക്ക്

കോഴിക്കോട്| കോഴിക്കോട് കൊയിലാണ്ടി ചേമഞ്ചേരിയില്‍ ദേശീയപാതയില്‍ ഒരേ ദിശയില്‍ പോകുകയായിരുന്ന കാറുകള്‍ കൂട്ടിയിടിച്ച് അപകടം. അപകടത്തില്‍ പൂക്കാട് കൊളക്കാട് സ്വദേശി ലത്തീഫിന് പരുക്കേറ്റു. ചേമഞ്ചേരി റെയില്‍വേ സ്റ്റേഷന് സമീപത്ത് രാവിലെ പത്തരയോടെയായിരുന്നു അപകടം.

ഒരേ ദിശയില്‍ പോകുകയായിരുന്ന കാറുകള്‍ നിയന്ത്രണം വിട്ട് ഇടിച്ച് തലകീഴായി മറിഞ്ഞാണ് അപകടമുണ്ടായത്. അപകടത്തില്‍ കാറുകള്‍ തകര്‍ന്നു. അപകടത്തെ തുടര്‍ന്ന് ദേശീയപാതയില്‍ ഏറെ നേരം ഗതാഗതക്കുരുക്ക് അനുഭവപ്പെട്ടു.