വടക്കഞ്ചേരി അപകടത്തിനിടയാക്കിയത് ടൂറിസ്റ്റ് ബസിന്റെ അമിതവേഗമെന്ന് അന്വേഷണ റിപ്പോർട്ട്

തൃ​ശൂ​ർ | ഒ​ൻ​പ​ത് പേ​രു​ടെ മ​ര​ണ​ത്തി​നി​ട​യാ​ക്കി​യ വ​ട​ക്ക​ഞ്ചേ​രി അ​പ​ക​ട​ത്തി​ന് കാ​ര​ണം ടൂ​റി​സ്റ്റ് ബ​സി​ന്‍റെ അ​മി​ത വേ​ഗ​മാ​ണെ​ന്ന് മോ​ട്ടോ​ർ വാ​ഹ​ന വ​കു​പ്പി​ന്‍റെ അ​ന്വേ​ഷ​ണ റി​പ്പോ​ർ​ട്ട്. അപകട സമയം 100 കി​ലോ​മീ​റ്റ​റി​ന​ടു​ത്ത് വേഗത്തിലായിരുന്നു ബസ് ഓടിയിരുന്നതെന്ന് റിപ്പോർട്ടിൽ വ്യക്തമാക്കുന്നു.

ദേ​ശീ​യ പാ​ത​യി​ലെ റോ​ഡ​രു​കി​ൽ മ​ഞ്ഞ നി​റ​ത്തി​ൽ ജാ​ഗ്ര​താ ലൈ​ൻ വ​ര​യ്ക്കാ​ത്ത​തും, മാ​ലി​ന്യ​ക്കൂ​മ്പാ​ര​വും അ​പ​ക​ട കാ​ര​ണ​മാ​യെന്നും മോ​ട്ടോ​ർ വാ​ഹ​ന​വ​കു​പ്പ് റി​പ്പോ​ർ​ട്ടി​ൽ വ്യ​ക്ത​മാ​ക്കി​യി​ട്ടു​ണ്ട്. മോ​ട്ടോ​ർ വാ​ഹ​ന വ​കു​പ്പ് എ​ൻ​ഫോ​ഴ്സ്മെ​ന്‍റ് വി​ഭാ​ഗ​ത്തി​ന്‍റെ അ​ന്വേ​ഷ​ണ റി​പ്പോ​ർ​ട്ട്, ആ​ർ​ടി​ഒ, എം.​കെ. ജ​യ​കു​മാ​ർ ട്രാ​ൻ​സ്പോ​ർ​ട്ട് ക​മ്മീ​ഷ​ണ​ർ​ക്കു കൈ​മാ​റി.

ഒ​ക്ടോ​ബ​ർ അ​ഞ്ചി​ന് രാ​ത്രി വ​ട​ക്ക​ഞ്ചേ​രി അ​ഞ്ചു​മൂ​ർ​ത്തി മം​ഗ​ല​ത്താണ് ബസ് അപകടത്തിൽപെട്ടത്. അ​മി​ത വേ​ഗ​ത്തി​ലെത്തിയ ബസ്, കെ എസ് ആർ ടി സി സൂ​പ്പ​ർ​ഫാ​സ്റ്റ് ബ​സി​നു പി​ന്നിൽ ഇടിച്ചുകയറുകയായിരുന്നു. അ​പ​ക​ട​ത്തി​ൽ ഇ​രു ബ​സു​ക​ളി​ലു​മാ​യി അ​ഞ്ച് സ്കൂ​ൾ വി​ദ്യാ​ർ​ഥി​ക​ൾ ഉ​ൾ​പ്പെ​ടെ ഒ​ൻ​പ​ത് പേ​ർ​ക്ക് ജീവൻ നഷ്ടമായി. ​എറ​ണാ​കു​ളം മു​ള​ന്തു​രു​ത്തി വെ​ട്ടി​ക്ക​ൽ ബ​സേ​ലി​യോ​സ് വി​ദ്യാ​നി​കേ​ത​ൻ സീ​നി​യ​ര്‍ സെ​ക്ക​ന്‍​ഡ​റി സ്കൂ​ളി​ൽ​നി​ന്ന് ഊ​ട്ടി​യി​ലേ​ക്കു വി​നോ​ദ​യാ​ത്ര പോ​യ​വരാണ് അപകടത്തിൽപെട്ടത്.