വീട്ടമ്മയെയും അനിയനെയും ആക്രമിച്ച കേസില്‍ പ്രതി അറസ്റ്റില്‍

പത്തനംതിട്ട |  വീട്ടില്‍ അതിക്രമിച്ചുകയറി വീട്ടമ്മയെയും അനിയനെയും ദേഹോപദ്രവം ഏല്‍പ്പിച്ച കേസിലെ പ്രതിയെ കൂടല്‍ പോലീസ് പിടികൂടി. പത്തനാപുരം മാങ്കോട് വിജയഭവനില്‍ മോനച്ചനെന്നും തോമാ എന്നും വിളിക്കുന്ന വിജയനാണ് അറസ്റ്റിലായത്.

കലഞ്ഞൂര്‍ തട്ടാക്കൂടി മഹേഷ് ഭവനില്‍ മോഹനന്റെ ഭാര്യ ശ്യാമളക്കും അനിയനും കഴിഞ്ഞമാസം 27ന് വൈകിട്ട് 7 മണിക്കാണ് ദേഹോപദ്രവം ഏറ്റത്. സ്ഥലത്തു പോലീസ് തെളിവെടുപ്പ് നടത്തി. വിജയന്‍ നേരത്തെ പോക്‌സോ കേസില്‍ ജയില്‍ ശിക്ഷ അനുഭവിച്ചിട്ടുണ്ട്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.