Kerala
ടിപി ചന്ദ്രശേഖരന് വധക്കേസിലെ പ്രതികള്ക്ക് ശിക്ഷായിളവ് നീക്കം; സഭയില് അടിയന്തിര പ്രമേയത്തിന് നോട്ടീസ് നല്കാന് പ്രതിപക്ഷം
ടിപി ചന്ദ്രശേഖരന്റെ ഭാര്യയും എം.എല്.എയുമായ കെ.കെ രമയാകും നോട്ടീസ് നല്കുക.
![](https://assets.sirajlive.com/2024/05/rema-897x538.jpg)
കണ്ണൂര്| ടിപി ചന്ദ്രശേഖരന് വധക്കേസിലെ കൊലയാളി സംഘത്തിന് ശിക്ഷ ഇളവ് നല്കാനുള്ള നീക്കം ഇന്ന് നിയമസഭയില് അടിയന്തിരപ്രമേയമായി ഉന്നയിക്കാന് പ്രതിപക്ഷം. ടിപി ചന്ദ്രശേഖരന്റെ ഭാര്യയും എം.എല്.എയുമായ കെ.കെ രമയാകും നോട്ടീസ് നല്കുക.
ടി കെ രജീഷ്, ഷാഫി, സിജിത്ത് എന്നിവരുടെ ശിക്ഷയില് ഇളവ് നല്കാനാണ് സര്ക്കാര് നീക്കം. ടികെ രജീഷ്, മുഹമ്മദ് ഷാഫി, അണ്ണന് സിജിത്ത് എന്നിവരാണ് പട്ടികയിലുള്ളത്. ജീവപര്യന്തം തടവിന് ഹൈക്കോടതി വിധിച്ച പ്രതികളാണ് ഇവര്. ഹൈക്കോടതി വിധി മറികടന്ന് പ്രതികളെ വിട്ടയക്കാനാണ് നീക്കം. ശിക്ഷായിളവിന് മുന്നോടിയായി കണ്ണൂര് സെന്ട്രല് ജയില് സൂപ്രണ്ട് പോലീസ് റിപ്പോര്ട്ട് തേടി.
സര്ക്കാര് നീക്കത്തിനെതിരെ നിയമപരമായും രാഷ്ട്രീയപരമായും നേരിടുമെന്ന് ടിപി ചന്ദ്രശേഖരന്റെ ഭാര്യ കെ.കെ രമ നേരത്തെ പറഞ്ഞിരുന്നു. ശിക്ഷ ഇളവ് നല്കരുതെന്ന കോടതി തീരുമാനത്തിന് സര്ക്കാര് പുല്ലു വില കല്പ്പിക്കുകയാണെന്നും കെ.കെ രമ വ്യക്തമാക്കിയിരുന്നു.