Kerala
കൊല്ലത്ത് സ്‌കൂളില്‍ നിന്നും രണ്ട് ലക്ഷത്തോളം രൂപ കവര്‍ന്ന പ്രതി പിടിയില്‍
പ്രതിയില്‍ നിന്നും കവര്‍ച്ച ചെയ്ത തുക കൊണ്ട് വാങ്ങിയ ബൈക്കും, 68,000 രൂപയും പോലീസ് കണ്ടെടുത്തു
കൊല്ലം | അഞ്ചലില്‍ സ്‌കൂള്‍ ഓഫീസ് കുത്തിത്തുറന്ന് രണ്ടുലക്ഷം രൂപ മോഷ്ടിച്ച പ്രതി പിടിയില്‍. മങ്ങാട് അറുനൂറ്റിമംഗലം രജിത ഭവനില്‍ വിനോജ് കുമാര്‍ (49) ആണ് പിടിയിലായത്.ആയൂര്‍ ചെറുപുഷ്പം സ്‌കൂളില്‍ ഓഫീസ് കുത്തിത്തുറന്ന് കവര്‍ച്ച നടത്തിയ കേസിലാണ് ഇയാളെ ചടയമംഗലം പോലീസ് അറസ്റ്റ് ചെയ്തത്.
ഇക്കഴിഞ്ഞ നാലിനാണ് കവര്‍ച്ച നടന്നത്. ഒന്‍പതോടെ സ്‌കൂളില്‍ കടന്ന പ്രതി ഓഫീസ് കുത്തിത്തുറന്ന് സ്‌കൂളില്‍ സൂക്ഷിച്ചിരുന്ന ഒരുലക്ഷത്തി എണ്‍പത്തിനായിരത്തോളം രൂപയാണ് കവര്‍ച്ച ചെയ്തത്.
സ്‌കൂള്‍ അധികൃതരുടെ പരാതിയില്‍ കേസെടുത്ത പോലീസ് അന്വേഷണം ആരംഭിക്കുകയായിരുന്നു. അടുത്തിടെ ജയില്‍ മോചിതരായ സമാനമായ മോഷണങ്ങളില്‍ പ്രതികളായ മോഷ്ടാക്കളെ കേന്ദ്രീകരിച്ച് നടത്തിയ അന്വേഷണത്തില്‍ ഒടുവിലാണ് പതിമൂന്നോളം കവര്‍ച്ച കേസുകളില്‍ പ്രതിയായ വിനോജ്കുമാറിനെ തിരിച്ചറിയുന്നത്.
തുടര്‍ന്ന് ഇയാളെ കൊല്ലത്തെ വാടക വീട്ടില്‍ നിന്നും പോലീസ് അറസ്റ്റ് ചെയ്തു. പ്രതിയില്‍ നിന്നും കവര്‍ച്ച ചെയ്ത തുക കൊണ്ട് വാങ്ങിയ ബൈക്കും, 68,000 രൂപയും പോലീസ് കണ്ടെടുത്തു. പ്രതിയെ സ്‌കൂളില്‍ എത്തിച്ചു തെളിവെടുപ്പ് നടത്തി.രണ്ടാഴ്ചയോളം സ്‌കൂളും പരിസരവും നിരീക്ഷിച്ച ശേഷമാണു പ്രതി കവര്‍ച്ച നടത്തിയതെന്ന് പോലീസ് പറഞ്ഞു.
Latest
പദവി ദുരുപയോഗം ചെയ്ത് പ്രവാസികളെ കള്ളക്കേസിൽ കുടുക്കി നാട് കടത്തുമെന്ന് ഭീഷണി; പോലീസ് ഉദ്യോഗസ്ഥന് തടവും പിഴയും
കോഴിക്കോട് ജില്ലയില്‍ നാളെ കോണ്‍ഗ്രസ് ഹര്‍ത്താല്‍
ചേവായൂരില്‍ ഉണ്ടായത് കേട്ടുകേള്‍വിയില്ലാത്ത അതിക്രമം; എം കെ രാഘവന്‍
സംസ്ഥാന സർക്കാർ കയ്യിലുള്ള ഫണ്ട് ചിലവഴിക്കാൻ തയ്യാറാകുന്നില്ല; കൃത്യമായി കണക്ക് ബോധിപ്പിച്ചാൽ ഫണ്ട് കിട്ടും: ഗവര്‍ണര്‍
പഠിക്കാതെ മൊബൈലില്‍ റീല്‍സ് കണ്ടിരുന്നതിന് അച്ഛന്‍ മകനെ തലയ്ക്കടിച്ച് കൊലപ്പെടുത്തി
ശബരിമല തീര്‍ത്ഥാടകര്‍ സഞ്ചരിച്ച ബസ് തമിഴ്‌നാട് ആര്‍ടിസി ബസുമായി കൂട്ടിയിടിച്ച് അപകടം; നിരവധിപേര്‍ക്ക് പരുക്ക്
