sexual abuse case
രണ്ടു പോക്‌സോ കേസുകളിലായി പ്രതിക്ക് 27 വര്‍ഷം തടവും 80,000 രൂപ പിഴയും വിധിച്ചു
2022-2023 കാലഘട്ടങ്ങളിലാണ് കേസിനു ആസ്പദമായ സംഭവങ്ങള്‍ നടന്നത്.
തിരുവനന്തപുരം | രണ്ടു പോക്‌സോ കേസുകളിലായി പ്രതിക്ക് 27 വര്‍ഷം തടവും 80,000 രൂപ പിഴയും വിധിച്ചു.
നെയ്യാറ്റിന്‍കര പരശുവയ്ക്കല്‍ പനയറക്കാല, മാവറത്തല ഷിനു (41)വിനെ യാണ് നെയ്യാറ്റിന്‍കര അതിവേഗ കോടതി ജഡ്ജ് എസ് രമേശ് കുമാര്‍ ശിക്ഷിച്ചത്. 2022-2023 കാലഘട്ടങ്ങളിലാണ് കേസിനു ആസ്പദമായ സംഭവങ്ങള്‍ നടന്നത്. പ്രതി മറ്റു രണ്ടു കേസുകളില്‍ കൂടി വിചാരണ നേരിടുകയാണ്.
ഒരു കേസില്‍ പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ചതിനു 17 വര്‍ഷം കഠിന തടവും 50,000 രൂപ പിഴയുമാണു ശിക്ഷ വിധിച്ചത്. മറ്റൊരു പ്രായപൂര്‍ത്തിയാകാത്ത കുട്ടിയെ പീഡിപ്പിച്ച കേസില്‍ 10 വര്‍ഷം കഠിന തടവിനും 30,000 രൂപ പിഴയും വിധിച്ചു. പാറശ്ശാല പോലീസ് സ്റ്റേഷനിലെ എസ് എച്ച് ഒ എസ് എസ് സജികുമാറാണ് കേസ് അന്വേഷിച്ചത്.
പ്രൊസിക്യൂഷന്‍ ഭാഗത്തു നിന്ന് ഒരു കേസില്‍ 17 സാക്ഷികളെയും മറ്റൊരു കേസില്‍ 15 സാക്ഷികളെയും വിസ്തരിച്ചു. പ്രോസിക്യൂഷനു വേണ്ടി സ്‌പെഷ്യല്‍ പബ്ലിക് പ്രോസിക്യുട്ടര്‍ വെള്ളറട കെ എസ് സന്തോഷ് കുമാര്‍, ശ്യാമളാ ദേവി എന്നിവര്‍ കോടതിയില്‍ ഹാജരായി.
Latest
എം ആര്‍ അജിത്കുമാറിനെതിരെ നടപടി ആവശ്യപ്പെട്ട് പി വിജയന്‍ രംഗത്ത്; ഐ പി എസ് തലത്തില്‍ പുതിയ പോര്
സാബു ജീവനൊടുക്കിയ സംഭവം; ബേങ്ക് ജീവനക്കാരുടെ മൊഴി പ്രത്യേക അന്വേഷണ സംഘം ഇന്ന് രേഖപ്പെടുത്തും
പൂരം കലക്കല്‍; തിരുവമ്പാടി ദേവസ്വത്തിലെ ചിലര്‍ ഗൂഢാലോചന നടത്തിയെന്ന് എം ആര്‍ അജിത് കുമാര്‍
ക്രിസ്മസ് ആഘോഷത്തിനെതിരെ വര്‍ഗീയ ഭീഷണി; പാലക്കാട് നല്ലേപ്പുള്ളി സര്‍ക്കാര്‍ സ്‌കൂളിനു മുമ്പില്‍ ഇന്ന് യുവജനങ്ങളുടെ സ്‌നഹ കരോള്‍
എസ് വൈ എസ് കേരള യുവജന സമ്മേളനത്തിന് പതാക ഉയർന്നു
കടല്‍ കടക്കാന്‍ മില്‍മയുടെ പാല്‍പ്പൊടിയും
