Kerala
കാറിന്റെ ഡോറില്‍ ഇരുന്ന് അപകടകരമായി യാത്ര; രണ്ട് പേര്‍ക്കെതിരെ നടപടി
ദൃശ്യങ്ങള്‍ പത്തനംതിട്ട മോട്ടോര്‍ വാഹന വകുപ്പ് എന്‍ഫോഴ്‌സ്‌മെന്റ് വിഭാഗത്തിന് കൈമാറുകയായിരുന്നു
തിരുവല്ല | കാറിന്റെ ഡോറില്‍ ഇരുന്ന് അപകടകരമാം വിധം യാത്ര ചെയ്ത രണ്ട് പേര്‍ക്കെതിരെ നടപടി. രാവിലെ തിരുവല്ല വള്ളംകുളം ഭാഗത്ത് ഓടുന്ന കാറിന്റെ വലത് വശത്തെ പിറക് ഡോറില്‍ പുറത്തേക്ക് ഇരുന്ന് യാത്ര ചെയ്ത യുവാവും വാഹനം ഓടിച്ച കൂട്ടുകാരനുമാണ് പിടിയിലായത്.
ബെംഗളൂരുവില്‍ രണ്ടാം വര്‍ഷ ബി ബി എ വിദ്യാര്‍ഥി പത്തനംതിട്ട കുമ്പഴ മടുക്കാമൂട്ടില്‍ ജോഹന്‍ മാത്യു(20), വാഹനം ഓടിച്ച തിരുവല്ല മഞ്ഞാടി കുന്നത്ത് പറമ്പില്‍ വീട്ടില്‍ ജോഹന്‍ മാത്യു കെ (19) എന്നിവര്‍ക്കെതിരെയാണ് നടപടി.
ദൃശ്യങ്ങള്‍ പൊതുജനങ്ങള്‍ പത്തനംതിട്ട മോട്ടോര്‍ വാഹന വകുപ്പ് എന്‍ഫോഴ്‌സ്‌മെന്റ് വിഭാഗത്തിന് കൈമാറുകയായിരുന്നു. മോട്ടോര്‍ വെഹിക്കിള്‍ ഇന്‍സ്പക്ടര്‍മാരായ ബിനു എന്‍ കുഞ്ഞുമോന്‍, അനീഷ്, അസ്സി.
മോട്ടോര്‍ വെഹിക്കിള്‍ ഇന്‍സ്പക്ടര്‍ സ്വാതി ദേവ്, ഡ്രൈവര്‍ സാബു എന്നിവരടങ്ങിയ സംഘമാണ് പ്രതികളെ പിടികൂടിയത്. അപകടകരമായി വാഹനം ഓടിച്ചതിന് കേസെടുക്കുകയും ഡ്രൈവറെയും ഡോറില്‍ ഇരുന്ന് യാത്ര ചെയ്ത ആളെയും മോട്ടോര്‍ വാഹന വകുപ്പിന്റെ പരിശീലന കേന്ദ്രത്തില്‍ തിരുത്തല്‍ പരിശീലനത്തിനായി അയക്കാനും രണ്ട് പേരുടെയും ഡ്രൈവിംഗ് ലൈസന്‍സ് സസ്‌പെന്‍ഡ് ചെയ്യാനും നടപടി ആയി.
Latest
അധ്യാപകര്‍ക്ക് നേരെ കൊലവിളി; വിദ്യാര്‍ഥിയെ സ്‌കൂളില്‍ നിന്നും സസ്‌പെന്‍ഡ് ചെയ്തു
മകന് അധ്യാപക ജോലി വാഗ്ദാനം ചെയ്തു വീട്ടമ്മയില്‍ നിന്നും ലക്ഷങ്ങള്‍ തട്ടിയെടുത്തു; അച്ഛനും മകനും അറസ്റ്റില്‍
പോക്‌സോ കേസില്‍ യുവാവിന് 39 വര്‍ഷം തടവും പിഴയും
നടിയെ ആക്രമിച്ച കേസ്: ഫൊറന്‍സിക് വിദഗ്ധരെ വീണ്ടും വിസ്തരിക്കണം; പള്‍സര്‍ സുനി സുപ്രീം കോടതിയില്‍
പിപിഇ കിറ്റിന് ക്ഷാമമുണ്ടായ സമയത്താണ് കൂടുതല്‍ വിലക്ക് വാങ്ങേണ്ടി വന്നത്; സാഹചര്യത്തിന്റെ ഗൗരവം കേരള ജനത മറന്നു പോകില്ല: മുന്‍ ആരോഗ്യമന്ത്രി കെ കെ ശൈലജ
കണ്ണൂരില്‍ ഓടിക്കൊണ്ടിരുന്ന ലോറിക്ക് തീപ്പിടിച്ചു
