Kerala
വിജയ് ബാബു പോലീസ് സ്റ്റേഷനില് ഹാജരായി; ഒളിവില്‍ കഴിയാന്‍ സഹായിച്ചവര്‍ക്കെതിരേയും നടപടിയെന്ന് കമ്മിഷണര്‍
വിജയ് ബാബുവിനെ വിശദമായി ചോദ്യം ചെയ്യുമെന്ന് കൊച്ചി പോലീസ് കമ്മീഷണര്‍ സി എച്ച് നാഗരാജു
കൊച്ചി | നടിയെ പീഡിപ്പിച്ചെന്ന കേസില്‍ നിര്‍മ്മാതാവും നടനുമായ വിജയ് ബാബു പോലീസ് സ്റ്റേഷനില് ഹാജരായി. എറണാകുളം ടൗണ്‍ സൗത്ത് പോലീസ് സ്റ്റേഷനിലാണ് വിജയ് ബാബു ഹാജരായത്. വിജയ് ബാബുവിനെ വിശദമായി ചോദ്യം ചെയ്യുമെന്ന് കൊച്ചി പോലീസ് കമ്മീഷണര്‍ സി എച്ച് നാഗരാജു പറഞ്ഞു. പോലീസ് കര്‍ശന നടപടികള്‍ എടുത്തതോടെയാണ് വിജയ് ബാബു മടങ്ങിയതെന്നും പരാതിക്കാരിക്ക് നീതി ഉറപ്പാക്കുകയാണ് പോലീസിന്റെ ലക്ഷ്യമെന്നും സി എച്ച് നാഗരാജു മാധ്യമങ്ങളോട് പറഞ്ഞു
ഒളിവിലുള്ള പ്രതികളെ സഹായിക്കുന്നത് കുറ്റകരമാണ്. ഒളിവില്‍ കഴിഞ്ഞ സമയത്ത് വിജയ് ബാബുവിന് സഹായം ചെയ്തവരെ കണ്ടെത്തുമെന്നും കമ്മീഷണര്‍ കൂട്ടിച്ചേര്‍ത്തു.39 ദിവസമായി വിദേശത്തായിരുന്നു വിജയ് ബാബു രാവിലെ ഒമ്പത് മണിയോടെയാണ് കൊച്ചിയിലെത്തിയത്. ഇടക്കാല മുന്‍കൂര്‍ജാമ്യം അനുവദിച്ചതോടെ വിജയ് ബാബു തിരികെയെത്തുന്നത്. വിമാനത്താവളത്തില്‍ നിന്ന് വിജയ് ബാബു ആദ്യം പോയത് ആലുവയിലെ ദത്ത ആജ്ഞനേയ ക്ഷേത്രത്തിലാണ് .തുടര്‍ന്നാണ് എറണാകുളം ടൗണ്‍ സൗത്ത് പൊലീസ് സ്റ്റേഷനില് ഹാജരായത്. അന്വേഷണവുമായി സഹകരിക്കുമെന്നും കോടതിയെ പൂര്‍ണ വിശ്വാസമുണ്ടെന്നും വിജയ് ബാബു മാധ്യമങ്ങളോട് പ്രതികരിച്ചു.
Latest
ഡല്‍ഹിയിലെ വായു മലിനീകരണം: സര്‍ക്കാരിനെ രൂക്ഷമായി വിമര്‍ശിച്ച് സുപ്രീംകോടതി
പ്രവാസി സാഹിത്യോത്സവിന് പ്രോജ്ജ്വല സമാപനം; റിഫ സോണ്‍ ജേതാക്കള്‍
ഫുഡ് ബേങ്ക് പ്രതിദിനം 90,000 ഭക്ഷണപ്പൊതികള്‍ വിതരണം ചെയ്യുന്നു
വീട്ടുകാര്‍ പള്ളി പെരുന്നാളിന് പോയി; വീടിന് തീയിട്ട് അജ്ഞാത സംഘം
മുനമ്പത്ത് റീസര്‍വെയെന്നത് ചിലരുടെ ഭാവനസൃഷ്ടി; സര്‍ക്കാര്‍ ശ്രമം ശാശ്വത പരിഹാരത്തിന്: മന്ത്രി പി രാജീവ്
ഇരട്ട വോട്ടെന്ന് ആക്ഷേപമുള്ളവ പ്രത്യേക ലിസ്റ്റാക്കും; ഉദ്യോഗസ്ഥരുടെ ഭാഗത്തുനിന്നും വീഴ്ചയുണ്ടായെങ്കില്‍ നടപടിയുണ്ടാകും: പാലക്കാട് ജില്ലാ കലക്ടര്‍
