എ ഡി ജി പി പി വിജയന് രാഷ്ട്രപതിയുടെ പോലീസ് മെഡല്‍

ന്യൂഡല്‍ഹി | വിശിഷ്ട സേവനത്തിനുള്ള രാഷ്ട്രപതിയുടെ പോലീസ് മെഡല്‍ കേരളത്തില്‍ നിന്ന് എ ഡി ജി പി പി വിജയന്. അഗ്‌നിരക്ഷാ സേനയില്‍ അസിസ്റ്റന്റ് സ്റ്റേഷന്‍ ഓഫീസര്‍ മധുസൂദന്‍ നായര്‍, സീനിയര്‍ ഫയര്‍ ആന്റ് റെസ്‌ക്യു ഓഫീസര്‍ രാജേന്ദ്രന്‍ നായര്‍ എന്നിവര്‍ക്കും വിശിഷ്ട സേവനത്തിനുള്ള ബഹുമതി ലഭിച്ചു. സ്തുത്യര്‍ഹ സേവനത്തിന് പോലീസ് സേനയിലെ പത്ത് പേര്‍ക്കും അഗ്‌നിരക്ഷാ സേനയില്‍ അഞ്ച് പേര്‍ക്കും ജയില്‍ വകുപ്പിലെ അഞ്ച് പേര്‍ക്കും രാഷ്ട്രപതിയുടെ മെഡല്‍ ലഭിച്ചു.

എസ് പി ബി കൃഷ്ണകുമാര്‍, ഡി എസ് പിമാരായ ആര്‍ ഷാബു, കെ ജെ വര്‍ഗീസ്, എം പി വിനോദ്, കെ റെജി മാത്യു, ഡിവൈ എസ് പി എം ഗംഗാധരന്‍, അസിസ്റ്റന്റ് കമ്മാന്റന്റ് ജി ശ്രീകുമാരന്‍, എസ് ഐമാരായ എംഎസ് ഗോപകുമാര്‍, സുരേഷ് കുമാര്‍, ഹെഡ് കോണ്‍സ്റ്റബിള്‍ എം ബിന്ദു എന്നിവര്‍ക്കാണ് പോലീസിലെ സ്തുത്യര്‍ഹ സേവന മെഡല്‍ ലഭിച്ചത്.

അഗ്‌നിരക്ഷാ സേനയില്‍ ജില്ലാ ഫയര്‍ ഓഫീസര്‍ എസ് സൂരജ്, സ്റ്റേഷന്‍ ഓഫീസര്‍ വി സെബാസ്റ്റ്യന്‍, സീനിയര്‍ ഫയര്‍ ആന്റ് റെസ്‌ക്യു ഓഫീസര്‍മാരായ പി സി പ്രേമന്‍, കെ ടി സാലി, പി കെ ബാബു എന്നിവര്‍ക്കും ജയില്‍ വകുപ്പില്‍ സൂപ്രണ്ട് ടി ആര്‍ രാജീവ്, ഡെപ്യൂട്ടി സൂപ്രണ്ടുമാരായ വി ഉദയകുമാര്‍, എം രാധാകൃഷ്ണന്‍, സി ഷാജി, അസിസ്റ്റന്റ് സൂപ്രണ്ട് പി ഉണ്ണികൃഷ്ണന്‍ എന്നിവര്‍ക്കും സ്തുത്യര്‍ഹ സേവന മെഡല്‍ ലഭിച്ചു.