ശത്രുസംഹാര പൂജയുമായി എ ഡി ജി പി എം ആര്‍ അജിത് കുമാര്‍

കണ്ണൂര്‍ | വിവാദങ്ങളില്‍ അകപ്പെട്ട് അന്വേഷണം നേരിടുന്ന എ ഡി ജി പി എം ആര്‍ അജിത് കുമാര്‍ ശത്രുസംഹാര പൂജ നടത്തിയതിന്റെ വിവരങ്ങള്‍ പുറത്തുവന്നു. ഇന്ന് രാവിലെയാണ് കണ്ണൂര്‍ മാടായിക്കാവില്‍ ക്രമസമാധാന ചുമതലയുള്ള എ ഡി ജി പി സ്വന്തം പേരില്‍ ശത്രുസംഹാര പൂജ നടത്തിയത്.

തളിപ്പറമ്പ് രാജരാജേശ്വര ക്ഷേത്രത്തിലും കാഞ്ഞിരങ്ങാട് വൈദ്യനാഥ ക്ഷേത്രത്തിലും എത്തിയ എം ആര്‍ അജിത് കുമാര്‍ ഇവിടങ്ങളിലും വഴിപാടുകള്‍ നടത്തി. പൂരം കലക്കലിലും പി വി അന്‍വര്‍ ഉന്നയിച്ച ആരോപണങ്ങളിലും എ ഡി ജി പിക്കെതിരെ അന്വേഷണം തുടരുമ്പോഴാണ് ക്ഷേത്ര സന്ദര്‍ശനം.