Kerala
എ ഡി എം. നവീന്‍ ബാബുവിന്റെ മരണം: സി ബി ഐ അന്വേഷണം ആവശ്യപ്പെട്ട് കുടുംബം ഹൈക്കോടതിയില്‍
കൊലപാതകമാണോ എന്ന് സംശയമുണ്ടെന്ന് ഭാര്യ മഞ്ജുഷ ഹൈക്കോടതിയില്‍ നല്‍കിയ ഹരജിയില്‍ പറഞ്ഞു.
കൊച്ചി | എ ഡി എം. നവീന്‍ ബാബുവിന്റെ മരണത്തില്‍ സി ബി ഐ അന്വേഷണം ആവശ്യപ്പെട്ട് കുടുംബം. കൊലപാതകമാണോ എന്ന് സംശയമുണ്ടെന്ന് ഭാര്യ മഞ്ജുഷ ഹൈക്കോടതിയില്‍ നല്‍കിയ ഹരജിയില്‍ പറഞ്ഞു.
ആത്മഹത്യയാണെന്ന പോലീസ് നിഗമനം മുഖവിലക്കെടുക്കാനാകില്ല. ഇന്‍ക്വസ്റ്റ് അടക്കമുള്ള തുടര്‍ നടപടികളില്‍ പോലീസിന് വീഴ്ചയുണ്ടായി. താനോ ബന്ധുക്കളോ എത്തും മുമ്പ് നടപടികള്‍ പൂര്‍ത്തിയാക്കി. ഇന്‍ക്വസ്റ്റ് നടപടികളുടെ തിടുക്കം സംശയം വര്‍ധിപ്പിക്കുന്നു. കുടുംബത്തിന്റെ മൊഴി പോലും യഥാസമയം രേഖപ്പെടുത്തിയില്ല. നിലവിലെ പോലീസ് അന്വേഷണത്തില്‍ തൃപ്തി ഇല്ല.
ദൃശ്യങ്ങള്‍ ഉള്‍പ്പെടെയുള്ള തെളിവുകള്‍ സംരക്ഷിക്കണം. യാത്രയയപ്പ് പരിപാടിക്കു ശേഷം നവീനെ കണ്ടത് ആരൊക്കെയെന്ന് അന്വേഷിക്കണം. സി പി എം നേതാവ് പ്രതിയായ കേസില്‍ കാര്യമായ അന്വേഷണം നടക്കുമെന്ന് പ്രതീക്ഷ ഇല്ല. അതിനാല്‍ നീതി ലഭിക്കാന്‍ കേന്ദ്ര ഏജന്‍സികളുടെ അന്വേഷണം വേണമെന്നും ഹരജിയില്‍ ആവശ്യപ്പെട്ടു. അന്വേഷണം ആവശ്യപ്പെട്ട് ചേര്‍ത്തല സ്വദേശിയുടെ ഹരജിയും കോടതിയിലുണ്ട്.
Latest
ശബരിമല പതിനെട്ടാം പടിയില്‍ നിന്ന് പോലീസ് ഉദ്യോഗസ്ഥര്‍ ഫോട്ടോയെടുത്ത സംഭവം; രൂക്ഷ വിമര്‍ശനവുമായി ഹൈക്കോടതി
വോട്ടിംഗ് യന്ത്രങ്ങള്‍ വേണ്ട, ബാലറ്റ് പേപ്പര്‍ പുനസ്ഥാപിക്കണം: ഖാര്‍ഗെ
പാര്‍ട്ടിയില്‍ നിന്ന് കടുത്ത അവഗണനയെന്ന് ആരോപണം; ബി ജെ പി വയനാട് മുന്‍ ജില്ലാ പ്രസിഡന്റ് രാജിവച്ചു
മഹാരാഷ്ട്ര തിരഞ്ഞെടുപ്പ്: പോള്‍ ചെയ്തതിലും കൂടുതല്‍ വോട്ടെണ്ണിയെന്ന് റിപോര്‍ട്ട്
പത്തനംതിട്ടയില്‍ പതിനേഴുകാരി പനി ബാധിച്ച് മരിച്ചു; അഞ്ച് മാസം ഗര്‍ഭിണിയെന്ന് പോസ്റ്റ്‌മോര്‍ട്ടം റിപോര്‍ട്ട്
എ ഡി എം. നവീന്‍ ബാബുവിന്റെ മരണം: സി ബി ഐ അന്വേഷണം ആവശ്യപ്പെട്ട് കുടുംബം ഹൈക്കോടതിയില്‍
