വയനാട്ടില്‍ വീണ്ടും ആഫ്രിക്കന്‍ പന്നിപ്പനി

കല്‍പ്പറ്റ |  വയനാട്ടില്‍ രണ്ടാമത്തെ ആഫ്രിക്കന്‍ പന്നിപ്പനി സ്ഥിരീകരിച്ചു. നെന്മേനി പഞ്ചായത്തിലെ പതിനൊന്നാം വാര്‍ഡിലുള്ള ഫാമിലാണ് രോഗം സ്ഥിരീകരിച്ചത്. ആദ്യം പന്നിപ്പനി സ്ഥിരീകരിച്ച സ്ഥലത്ത് നിന്നും കിലോമീറ്ററുകള്‍ അകെലയുള്ള ഫാമിലാണ് പുതുതായി രോഗം സ്ഥിരീകരിച്ചത്. ഇതിനാല്‍ ഇപ്പോള്‍ പന്നിക്കള്‍ കൂട്ടത്തോടെ ചത്ത ഫാമിന് പുറമെ, സമീപ പ്രദേശങ്ങളിലേയും ഫാമുകളിലെ പന്നികളെക്കൂടി കൊന്നൊടുക്കാനാണ് അധികൃതരുടെ തീരുമാനം.

നേരത്തെ കണ്ണൂരില്‍ ആഫ്രിക്കന്‍ പന്നി പനി രോഗം സ്ഥിരീകരിച്ച ഫാമിലേയും ഇതിന് ഒരു കി. മീറ്റര്‍ ചുറ്റളവിലുള്ള മറ്റു ഫാമിലെ പന്നികളെയും കൊല്ലാനും തീരുമാനിച്ചിട്ടുണ്ട്.