Kerala
സ്വകാര്യ സര്‍വകലാശാലക്കെതിരെ എ ഐ എസ് എഫ്; വിദ്യാഭ്യാസം കച്ചവടച്ചരക്കായി മാറുമെന്ന്
മന്ത്രിസഭാ തീരുമാനം സര്‍ക്കാര്‍ പിന്‍വലിക്കണമെന്ന് ആവശ്യം
പാലക്കാട് | സ്വകാര്യവത്കരണം വന്നാല്‍ വിദ്യാഭ്യാസം കച്ചവടച്ചരക്കായി മാറുമെന്ന് എ ഐ എസ് എഫ്. സ്വകാര്യ സര്‍വകലാശാലക്ക് അനുമതി നല്‍കിയ മന്ത്രിസഭാ തീരുമാനത്തിനെതിരെ എ ഐ എസ് എഫ് പുറത്തിറക്കിയ പ്രസ്താവനയിലാണ് ഇക്കാര്യം വ്യക്തമാക്കിയത്.
സ്വകാര്യ സര്‍വകലാശാലകള്‍ അനുവദിക്കരുതെന്ന് നേരത്തെ സര്‍ക്കാരിനോട് ആവശ്യപ്പെട്ടിരുന്നുവെന്നും വിദ്യാര്‍ഥി സംഘടനകളുമായി സര്‍ക്കാര്‍ ചര്‍ച്ച നടത്തിയിട്ടില്ലെന്നും എ ഐ എസ് എഫ് പറഞ്ഞു. സര്‍ക്കാര്‍ നിയന്ത്രണത്തില്‍ അല്ലാത്തതിനാല്‍ ഫീസുകള്‍ ഉയരും. ക്യാംപസുകളില്‍ സംഘടനാ സ്വാതന്ത്ര്യം നഷ്ടപ്പെടും. വിദ്യാര്‍ഥികള്‍ക്ക് ആശങ്കയുണ്ടെന്നും മന്ത്രിസഭാ തീരുമാനം സര്‍ക്കാര്‍ പിന്‍വലിക്കണമെന്നും എ ഐ എസ് എഫ് ആവശ്യപ്പെട്ടു.
സ്വകാര്യ സര്‍വകലാശാലകളില്‍ സാമൂഹികനീതിയും മെറിറ്റും ജനാധിപത്യാവകാശങ്ങളും ഉറപ്പാക്കണമെന്നും ബില്‍ പാസാക്കും മുന്പ് വിദ്യാര്‍ഥികളുടെ ആശങ്കകള്‍ പരിഹരിക്കണമെന്നും വിദ്യാര്‍ഥി സംഘടനകളോട് ചര്‍ച്ച നടത്തണമെന്നും നേരത്തേ എസ് എഫ് ഐയും ആവശ്യമുന്നയിച്ചിരുന്നു.
Latest
ബജറ്റ് ചർച്ചകൾക്കുള്ള മറുപടിയിൽ പുതിയ പ്രഖ്യാപനങ്ങൾ നടത്തി ധനമന്ത്രി കെ എൻ ബാലഗോപാൽ
ഓപ്പറേഷന്‍ സൗന്ദര്യ: പെര്‍ഫ്യൂമില്‍ ഗുരുതര പ്രശ്‌നമുണ്ടാക്കുന്ന മീഥൈല്‍ ആല്‍ക്കഹോള്‍
വന്യജീവി ആക്രമണം: വനം മന്ത്രി രാജിവെക്കണമെന്ന് താമരശ്ശേരി, കാഞ്ഞിരപ്പള്ളി ബിഷപ്പുമാര്‍
നമ്മുടെ ശരീരത്തില്‍ പൊട്ടാസ്യത്തിന്‍റെ റോള്‍ എന്താണ് !
വന്യജീവി ആക്രമണം: നാളെ വയനാട്ടില്‍ യു ഡി എഫ് ഹര്‍ത്താല്‍
പാലാ രൂപതയുടെ ഉടമസ്ഥതയിലുള്ള ഭൂമിയില്‍ ക്ഷേത്രം ഉണ്ടായിരുന്നെന്ന് അവകാശവാദം
