Uae
അജ്മാന്‍- അബൂദബി- അജ്മാന്‍ ബസ് സര്‍വീസ് ആരംഭിച്ചു
കൊവിഡ് പ്രതിസന്ധി രൂക്ഷമായതിനെ തുടര്‍ന്ന് കഴിഞ്ഞ വര്‍ഷം ഏപ്രില്‍ മുതല്‍ നിര്‍ത്തലാക്കിയ ബസ് സര്‍വീസാണ് പുനരാരംഭിച്ചത്
അബൂദബി | അജ്മാനില്‍ നിന്നും അബൂദബിയിലേക്കും തിരിച്ചും ബസ് സര്‍വീസ് ആരംഭിച്ചതായി പൊതു ഗതാഗത വകുപ്പ് അറിയിച്ചു. കൊവിഡ് പ്രതിസന്ധി രൂക്ഷമായതിനെ തുടര്‍ന്ന് കഴിഞ്ഞ വര്‍ഷം ഏപ്രില്‍ മുതല്‍ നിര്‍ത്തലാക്കിയ ബസ് സര്‍വീസാണ് പുനരാരംഭിച്ചത്. അജ്മാനെയും അബൂദബിയേയും ബന്ധിപ്പിച്ചു ദിനം പ്രതി നാല് ബസ് സര്‍വീസുകളാണ് ഉണ്ടാവുകയെന്നും അജ്മാന്‍ പൊതു ഗതാഗത വകുപ്പ് വ്യക്തമാക്കി. അജ്മാനില്‍ നിന്നും അബൂദബിയിലേക്ക് രണ്ട് തവണയും തിരിച്ച് രണ്ട് തവണയുമാണ് സര്‍വീസുണ്ടാവുകയെന്ന് അജ്മാന്‍ പൊതു ഗതാഗത വകുപ്പ് എക്‌സിക്യൂട്ടീവ് ഡയറക്ടര്‍ സമി അലി അല്‍ ജലഫ് അറിയിച്ചു.
അജ്മാന്‍ അല്‍ മുസല്ല ബസ് സ്റ്റേഷനില്‍ നിന്നും രാവിലെ ഏഴിനും വൈകിട്ട് ആറിനും അബുദാബി സെന്‍ട്രല്‍ ബസ് സ്റ്റേഷനിലേക്കും രാവിലെ പത്തിനും വൈകിട്ട് ഒമ്പതിനും അജ്മാനിലേക്കും സര്‍വീസുണ്ടാകും. 35 ദിര്‍ഹമാണ് ഇരു ദിശയിലേക്കും ടിക്കറ്റ് നിരക്ക്. മസാര്‍ കാര്‍ഡ് ഉപഭോക്താക്കള്‍ 30 ദിര്‍ഹം നല്‍കിയാല്‍ മതി. ദേശീയ ദുരന്ത നിവാരണ അതോറിറ്റിയുടെ നിയമങ്ങള്‍ക്ക് അനുസൃതമായാണ് ബസ് സര്‍വീസ് നടത്തുക.
Latest
ഇന്ത്യയെ സൈബര്‍ ശത്രുക്കളുടെ പട്ടികയില്‍ ഉള്‍പ്പെടുത്തി കാനഡ
ഷൊര്‍ണ്ണൂര്‍ അപകടം; മരിച്ചവരുടെ കുടുംബങ്ങള്‍ക്ക് ഒരു ലക്ഷം വീതം ധനസഹായം പ്രഖ്യാപിച്ച് റെയില്‍വെ
ഡല്‍ഹിയില്‍ എയര്‍ ഇന്ത്യ വിമാനത്തില്‍ നിന്നും വെടിയുണ്ട കണ്ടെത്തി
ജമ്മു കശ്മീരില്‍ സൈന്യം ലശ്കര്‍ കമാന്‍ഡറെ വധിച്ചു
കൊടകര കുഴല്‍പ്പണക്കേസ് ഇ ഡിയും ഐടിയും അന്വേഷിക്കാത്തതെന്തെന്ന് കേന്ദ്രം വ്യക്തമാക്കണം: കെ സി വേണുഗോപാല്‍
സംസ്ഥാനത്ത് കനത്ത മഴക്ക് സാധ്യത; മൂന്ന് ജില്ലകളില്‍ ഇന്ന് യെല്ലോ അലര്‍ട്ട്
