Malappuram
മഅ്ദിന്‍ അക്കാദമി പൂര്‍വ വിദ്യാര്‍ഥിക്ക് അല്‍ അസ്ഹര്‍ യൂണിവേഴ്സിറ്റിയില്‍ നിന്ന് ഒന്നാം റാങ്ക്
മുഹമ്മദ് സ്വാലിഹ് അദനി മോളൂര്‍ ആണ് റാങ്ക് നേടിയത്. അല്‍ അസ്ഹര്‍ ചരിത്രത്തില്‍ ആദ്യമായാണ് ഒരു മലയാളി വിദ്യാര്‍ഥി ഒന്നാം റാങ്ക് കരസ്ഥമാക്കുന്നത്.
മലപ്പുറം | ലോക പ്രശസ്തമായ ഈജിപ്തിലെ അല്‍ അസ്ഹര്‍ യൂണിവേഴ്സിറ്റിയില്‍ നിന്ന് കുല്ലിയ്യ ഉസൂലുദ്ധീനില്‍ ‘അഖീദ വ ഫല്‍സഫ’ ഡിപ്പാര്‍ട്ട്മെന്റില്‍ ഒന്നാം റാങ്ക് കരസ്ഥമാക്കി മഅ്ദിന്‍ അക്കാദമി പൂര്‍വ വിദ്യാര്‍ഥി മുഹമ്മദ് സ്വാലിഹ് അദനി മോളൂര്‍. അല്‍ അസ്ഹര്‍ ചരിത്രത്തില്‍ ആദ്യമായാണ് ഒരു മലയാളി വിദ്യാര്‍ഥി ഒന്നാം റാങ്ക് കരസ്ഥമാക്കുന്നത്. മഅ്ദിന്‍ മോഡല്‍ അക്കാദമിയില്‍ ഏഴ് വര്‍ഷത്തെ മത-ഭൗതിക സമന്വയ പഠനത്തിനു ശേഷം നാല് വര്‍ഷമായി അല്‍ അസ്ഹറില്‍ പഠനം നടത്തിവരികയാണ് സ്വാലിഹ്.
ദുബൈ ഗവണ്‍മെന്റിന്റെ അന്താരാഷ്ട്ര അറബി വായനാ മത്സരത്തില്‍ ഇന്ത്യയെ പ്രതിനിധീകരിച്ച് പങ്കെടുത്തിട്ടുണ്ട്. എസ് എസ് എല്‍ സി, പ്ലസ്ടു പരീക്ഷകളില്‍ മുഴുവന്‍ വിഷയങ്ങളിലും എ പ്ലസ് കരസ്ഥമാക്കിയ സ്വാലിഹ് എസ് എസ് എഫ് സംസ്ഥാന സാഹിത്യോത്സവില്‍ മലയാള പ്രസംഗം, ബുര്‍ദ എന്നിവയില്‍ അവാര്‍ഡ് കരസ്ഥമാക്കിയിരുന്നു.
മോളൂര്‍ സ്വദേശി അബ്ദുറശീദ് സഖാഫി-ഫാത്തിമാ സുആദ ദമ്പതികളുടെ മകനാണ്. തിളക്കമാര്‍ന്ന വിജയം കരസ്ഥമാക്കി കൈവരിച്ച് കേരളത്തിന് അഭിമാനമായ സ്വാലിഹിനെ മഅ്ദിന്‍ അക്കാദമി ചെയര്‍മാന്‍ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി അഭിനന്ദിച്ചു.
Latest
പതിനാലാമത് പ്രവാസി സാഹിത്യോത്സവ് 2024 : സഊദി ഈസ്റ്റ് നാഷനല്‍ സ്വാഗതസംഘം രൂപീകരിച്ചു
സ്ത്രീകള്‍ക്കും കുട്ടികള്‍ക്കുമെതിരായ ഓണ്‍ലൈന്‍ കുറ്റകൃത്യങ്ങള്‍ തടയുന്നതിലെ മികവ്; കേരളത്തിന് കേന്ദ്ര പുരസ്‌കാരം
സ്വകാര്യ ബസില്‍ 19കാരിക്ക് നേരെ ലൈംഗിക അതിക്രമം; അധ്യാപകന്‍ അറസ്റ്റില്‍
ജിദ്ദാ സ്‌പൈസ് ജെറ്റ് വിമാനം പുറപ്പെടാന്‍ വൈകുന്നു; കരിപ്പൂരില്‍ യാത്രക്കാരുടെ പ്രതിഷേധം
കുടിവെള്ള പ്രതിസന്ധി; തിരുവനന്തപുരം കോര്‍പ്പറേഷന്‍ പരിധിയിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി
മലബാറിന് യൂസഫലിയുടെ ഓണസമ്മാനം ; ആഗോള നിലവാരത്തിലുള്ള ഷോപ്പിങ്ങ് മാള്‍ കോഴിക്കോട് തുറന്നു
