ഓള്‍ കേരള ഖുര്‍ആന്‍ ഹിഫ്‌ള് മത്സരം മെയ് മാസത്തില്‍; ഒന്നാം സമ്മാനം 10,000 രൂപ

കോഴിക്കോട് | മക്കളില്‍ ഖുര്‍ആന്‍ പഠനം പ്രോത്സാഹിപ്പിക്കുന്നതിനു വേണ്ടി സൈബ ഖുര്‍ആന്‍ അക്കാദമി മാവൂര്‍ സംഘടിപ്പിക്കുന്ന മൂന്നാമത് ഓള്‍ കേരള ഖുര്‍ആന്‍ ഹിഫ്‌ള് മത്സരം 2025 മെയ് മാസത്തില്‍ നടക്കും.

പത്ത് വയസ്സിന് താഴെയുള്ള ആണ്‍കുട്ടികള്‍ക്കും പെണ്‍കുട്ടികള്‍ക്കും മത്സരത്തില്‍ പങ്കെടുക്കാം. മുപ്പതാം ജുസ്ഹ് (ഹമ്മ ) ആസ്പദമാക്കിയാണ് മത്സരം നടക്കുക.

ഒന്നാം സ്ഥാനം ലഭിക്കുന്നവര്‍ക്ക് 10,000 രൂപയും രണ്ടും മൂന്നും സ്ഥാനക്കാര്‍ക്ക് 7,500, 5,000 രൂപയും നിരവധി പേര്‍ക്ക് 2,000 രൂപ പ്രോത്സാഹന സമ്മാനവും നല്‍കും.

പങ്കെടുക്കാന്‍ താത്പര്യമുള്ള വിദ്യാര്‍ഥികളുടെ രക്ഷിതാക്കള്‍ പേരും സ്ഥലവും വാട്‌സാപ്പ് ചെയ്യേണ്ടതാണ്. നമ്പര്‍: 8089082626.