Kerala
596.7 ടൺ കടല നശിച്ചെന്ന ആരോപണം: കേസ് തീർപ്പാക്കി
ബാക്കി വന്ന 1,106 മെട്രിക് ടൺ കടല കേടാകാൻ സാധ്യതയുള്ളതിനാൽ ഉടൻ ഉപയോഗിക്കാൻ അനുമതി നൽകണമെന്ന് ആവശ്യപ്പെട്ട് കേന്ദ്രസർക്കാറിന് കത്ത് നൽകിയിരുന്നെങ്കിലും മറുപടി ലഭിച്ചില്ല.
പാലക്കാട് | പ്രധാനമന്ത്രി ഗരീബ് കല്യാൺ യോജന പദ്ധതി പ്രകാരം ഭക്ഷ്യ വിതരണ വകുപ്പിന് ലഭിച്ച 596.7 ടൺ കടല പഴകി നശിച്ചെന്ന ആരോപണം സിവിൽ സപ്ലൈസ് ഡയറക്ടർ നിഷേധിച്ചു. മനുഷ്യാവകാശ കമ്മീഷൻ ജുഡീഷ്യൽ അംഗം കെ ബൈജുനാഥ് ആവശ്യപ്പെട്ട വിശദീകരണത്തിലാണ് സിവിൽ സപ്ലൈസ് ഡയറക്ടർ ഇക്കാര്യമറിയിച്ചത്.
2020 ജൂലൈ, നവംബറിൽ വിതരണം ചെയ്യേണ്ടിയിരുന്ന കടല നാഫെഡിൽ നിന്ന് യഥാസമയം ലഭിക്കാത്തതു കാരണം വിതരണം ചെയ്യാൻ കഴിഞ്ഞില്ലെന്ന് വിശദീകരണത്തിൽ പറയുന്നു. 2021 ജനുവരി ക്വാട്ടയിൽ 96 ശതമാനത്തോളം കടല വിതരണം ചെയ്തു. ബാക്കി വന്ന 1,106 മെട്രിക് ടൺ കടല കേടാകാൻ സാധ്യതയുള്ളതിനാൽ ഉടൻ ഉപയോഗിക്കാൻ അനുമതി നൽകണമെന്ന് ആവശ്യപ്പെട്ട് കേന്ദ്രസർക്കാറിന് കത്ത് നൽകിയിരുന്നെങ്കിലും മറുപടി ലഭിച്ചില്ല.
പിന്നീട് കടല കിറ്റിൽ ഉൾപ്പെടുത്തി നൽകാൻ അനുമതി ലഭിച്ചു. വിശദീകരണത്തിന്റെ അടിസ്ഥാനത്തിൽ കേസ് തീർപ്പാക്കി.
Latest
എം ഡി എം എയുമായി രണ്ട് യുവാക്കള്‍ പിടിയില്‍
വൈദ്യുതാഘാതമേറ്റ് യുവാവ് മരിച്ചു
എസ് ഐ ഓടിച്ച കാറിടിച്ച് ഇന്‍ഫോ പാര്‍ക്ക് ജീവനക്കാരന് പരുക്കേറ്റു
വിലക്ക് ലംഘിച്ച് വാര്‍ത്താ സമ്മേളനം; പി വി അന്‍വറിനെതിരെ കേസെടുക്കാന്‍ നിര്‍ദേശം
അബുബാദി സെക്യൂരിറ്റീസ് എക്‌സ്‌ചേഞ്ചില്‍ ലുലുവിന്റെ ലിസ്റ്റിങ്ങ് വ്യാഴാഴ്ച; ഓഹരി അലോക്കേഷന്‍ പൂര്‍ത്തിയായി
'കട്ടന്‍ ചായയും പരിപ്പുവടയും ഒരു കമ്യൂണിസ്റ്റ് ജീവിതം'; കേരള രാഷ്ട്രീയത്തില്‍ പ്രകമ്പനമുണ്ടാക്കാന്‍ ഇ പി ജയരാജന്റെ ആത്മകഥയെത്തുന്നു
