പെരുമ്പാവൂര്‍ ആലുവ മൂന്നാര്‍ റോഡില്‍ ഓടിക്കൊണ്ടിരുന്ന അംബാസിഡര്‍ കാറിന് തീ പിടിച്ചു; കാര്‍ ഭാഗികമായി കത്തി നശിച്ചു

ആലുവ|എറണാകുളം പെരുമ്പാവൂര്‍ ആലുവ മൂന്നാര്‍ റോഡില്‍ ഓടിക്കൊണ്ടിരുന്ന കാറിന് തീപിടിച്ച് അപകടം. ഇന്ന് രാവിലെ ഒമ്പത് മണിയോടെ ഇരിങ്ങോള്‍ വൈദ്യശാലപ്പടി പെട്രോള്‍ പമ്പിന് സമീപത്താണ് അപകടമുണ്ടായത്. കുറുപ്പുംപടി മുടിക്കരായി സ്വദേശി ജോര്‍ജിന്റെ കാറിനാണ് തീപിടിച്ചത്.

കാറില്‍ നിന്ന് പുക ഉയരുന്നത് കണ്ട യാത്രക്കാര്‍ പുറത്തേക്കിറങ്ങി ഓടി. ഫയര്‍ഫോഴ്‌സ് സ്ഥലത്തെത്തി ആളിപ്പടര്‍ന്ന തീ അണച്ചപ്പോഴേയ്ക്കും കാര്‍ ഭാഗികമായി കത്തി നശിച്ചിരുന്നു. യാത്രക്കാര്‍ക്ക് പരുക്കില്ല.

റോഡില്‍ നിരവധി വാഹനങ്ങള്‍ ഉണ്ടായിരുന്ന സമയത്താണ് അപകടമുണ്ടായത്. കത്തുന്ന കാറിന് സമീപത്തായി ഇലക്ട്രിക് പോസ്റ്റുമുണ്ടായിരുന്നു. വലിയ അപകടങ്ങളുണ്ടാവുന്നതിന് മുന്‍പ് അഗ്‌നിശമന സേനയെത്തി തീ നിയന്ത്രണ വിധേയമാക്കുകയായിരുന്നു. അഗ്‌നിബാധയുടെ കാരണം വ്യക്തമല്ല.