പെരുമ്പാവൂരില്‍ അസം സ്വദേശിനിയെ സുഹൃത്ത് കുത്തിക്കൊന്നു

എറണാകുളം | അസം സ്വദേശിനിയായ യുവതിയെ സുഹൃത്ത് കുത്തിക്കൊന്നു. പെരുമ്പാവൂരിലാണ് അസം സ്വദേശിനിയായ ഫരീദ ബീഗം കൊല്ലപ്പെട്ടത്. അസം സ്വദേശിയായ സുഹൃത്ത് ഫരീദയെ കൊലപ്പെടുത്തിയ ശേഷം സ്വയം കുത്തിപ്പരിക്കേല്‍പ്പിച്ച് ആത്മഹത്യക്കു ശ്രമിച്ചു. പരിക്കേറ്റ പ്രതിയെ ആശുപത്രിയില്‍ പ്രവേശിപ്പിച്ചു.

ഇന്ന് ഉച്ചയ്ക്ക് പന്ത്രണ്ടരയോടുകൂടിയായിരുന്നു സംഭവം. യുവതി നടന്നു പോകുമ്പോള്‍ പുറകില്‍ നിന്ന് പ്രതി കുത്തിപ്പരിക്കേല്‍പ്പിക്കുകയായിരുന്നു. ഗുരുതരമായി പരിക്കേറ്റ യുവതി സംഭവസ്ഥലത്തുവച്ചു തന്നെ മരണപ്പെട്ടു. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.