OBITUARY
അബൂദബിയില്‍ ഡ്യൂട്ടി കഴിഞ്ഞ് മടങ്ങാനിരുന്ന പ്രവാസിയെ വാഹനത്തില്‍ മരിച്ച നിലയില്‍ കണ്ടെത്തി
അടുത്ത ഷിഫ്റ്റിനായി ജോലിക്കെത്താതെ വന്നതോടെ അന്വേഷിച്ചപ്പോള്‍ വാഹനത്തില്‍ മരിച്ച നിലയില്‍ കണ്ടെത്തുകയായിരുന്നു
അബൂദബി | ഡ്യൂട്ടി കഴിഞ്ഞു റൂമിലേക്ക് മടങ്ങാനിരുന്ന മധ്യവയസ്‌കനെ വാഹനത്തില്‍ മരിച്ച നിയില്‍ കണ്ടെത്തി. അബൂദബിയിലെ ട്രാന്‍സ്പോര്‍ട്ട് കമ്പനിയില്‍ ഡ്രൈവറായി ജോലി ചെയ്തുവന്ന തിരുവനന്തപുരം വര്‍ക്കല ഓടയം സ്വദേശി കുന്നുവിള വീട്ടില്‍ മുസമ്മില്‍ (48) ആണ് മരിച്ചത്. അബൂദബി- ദുബൈ റൂട്ടില്‍ ഷഹാമയ്ക്ക് സമീപം റഹബയില്‍ വച്ചാണ് മരിച്ചത്. അടുത്ത ഷിഫ്റ്റിനായി ജോലിക്കെത്താതെ വന്നതോടെ അന്വേഷിച്ചപ്പോള്‍ വാഹനത്തില്‍ മരിച്ച നിലയില്‍ കണ്ടെത്തുകയായിരുന്നു.
അഞ്ചുവര്‍ഷത്തില്‍ അധികമായി പ്രവാസിയാണ് മുസമ്മില്‍. മൃതദേഹം ബനിയാസ് സെന്‍ട്രല്‍ മോര്‍ച്ചറിയില്‍ സൂക്ഷിച്ചിരിക്കുകയാണ്. നടപടി ക്രമങ്ങള്‍ പൂര്‍ത്തിയാക്കി ഇന്ന് രാത്രിയോടെ നാട്ടിലേക്ക് അയക്കാനാണ് തീരുമാനമെന്ന് ബന്ധുക്കള്‍ അറിയിച്ചു.
പരേതനായ ജമാലുദ്ദീന്റെയും സഫൂറ ബീവിയുടെയും മകനാണ്. ഷൈനയാണ് ഭാര്യ. മക്കള്‍: മുഹ്സിന, നാസിയ (ഇരുവരും വിദ്യാര്‍ഥിനികള്‍).
Latest
കോഴിക്കോട് മിനി പിക്കപ്പ് ലോറി മറിഞ്ഞ് ഒരു മരണം
കഞ്ചാവ് കടത്ത് കേസ്; യുവതിക്ക് കഠിനതടവും പിഴയും
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്
നൂറുല് ഉലമ; വാക്കും വരയും പടവാളാക്കിയ പണ്ഡിതന് :എന് അലി അബ്ദുല്ല
നഴ്സിങ് വിദ്യാര്ഥിനിയുടെ മരണം; സഹപാഠികളെ കസ്റ്റഡിയില് കിട്ടാന് പോലീസ് കോടതിയില് അപേക്ഷ നല്കി
തിരുവനന്തപുരത്തും കോട്ടയത്തുമായി കഞ്ചാവുമായി രണ്ട് പേര് പിടിയില്
