National
ആന്ധ്ര പ്രദേശ് മുഖ്യമന്ത്രി ജഗന്‍ മോഹന്റെ സഹോദരി വൈ.എസ് ശര്‍മിള കോണ്‍ഗ്രസിലേക്ക്; വ്യാഴാഴ്ച അംഗത്വം സ്വീകരിക്കും
ശര്‍മിളയെക്കൂടാതെ പത്തോളം വൈ.എസ് .ആര്‍.പാര്‍ട്ടി എം.എല്‍.എമാരും മുന്‍ എം.എല്‍.എ മാരും കോണ്‍ഗ്രസില്‍ ചേര്‍ന്നേക്കുമെന്നാണ് സൂചന.
ഹൈദരാബാദ്| വൈഎസ്ആര്‍ തെലുഗു ദേശം പാര്‍ട്ടി സ്ഥാപകയും ആന്ധ്ര പ്രദേശ് മുഖ്യമന്ത്രി ജഗന്‍ മോഹന്റെ സഹോദരിയുമായ വൈ.എസ് ശര്‍മിള കോണ്‍ഗ്രസിലേക്കെന്ന് റിപ്പോര്‍ട്ട്. ശര്‍മിള വ്യാഴാഴ്ച കോണ്‍ഗ്രസ് അംഗത്വം സ്വീകരിച്ചേക്കുമെന്നാണ് വിവരം. തെലങ്കാനയില്‍ ബി.ആര്‍.എസ് ആധിപത്യം അവസാനിപ്പിച്ച് കോണ്‍ഗ്രസിന് വന്‍ വിജയമുണ്ടായതിന് പിന്നാലെയാണ് ശര്‍മിളയുടെ തീരുമാനം.
ഇന്ന് രാവിലെ 11 മണിക്ക് എല്ലാ പാര്‍ട്ടി നേതാക്കളുമായും ശര്‍മിള യോഗം വിളിച്ചിട്ടുണ്ട്. ശര്‍മിളയെക്കൂടാതെ പത്തോളം വൈ.എസ്.ആര്‍. പാര്‍ട്ടി എം.എല്‍.എമാരും മുന്‍ എം.എല്‍.എ മാരും കോണ്‍ഗ്രസില്‍ ചേര്‍ന്നേക്കുമെന്നാണ് സൂചന.
നവംബര്‍ 30ന് നടന്ന തെലങ്കാന നിയമസഭാ തെരഞ്ഞെടുപ്പില്‍ ശര്‍മിള കോണ്‍ഗ്രസിന് പിന്തുണ പ്രഖ്യാപിച്ചിരുന്നു. വോട്ടുകള്‍ വിഭജിച്ചുപോകുമെന്ന കാരണത്താല്‍ തെരഞ്ഞെടുപ്പില്‍ മത്സരിക്കാനും ശര്‍മിള വിസമ്മതിച്ചിരുന്നു. തെലങ്കാന നിയമസഭാ തെരഞ്ഞെടുപ്പില്‍ കോണ്‍ഗ്രസിന് വിജയസാധ്യതയുള്ളതിനാലാണ് കോണ്‍ഗ്രസിന് പിന്തുണ നല്‍കുന്നതെന്ന് ശര്‍മിള നേരത്തെ പറഞ്ഞിരുന്നു. വരാനിരിക്കുന്ന ലോക്‌സഭാ തെരഞ്ഞെടുപ്പിലും നിയമസഭാ തെരഞ്ഞെടുപ്പിലും ശര്‍മിളക്ക് കോണ്‍ഗ്രസ് സ്ഥാനം നല്‍കിയേക്കുമെന്നാണ് സൂചന.
Latest
വയനാട്ടിലെ ഭക്ഷ്യ കിറ്റ് വിവാദം; വിജിലന്‍സ് അന്വേഷണത്തിന് ഉത്തരവിട്ട് മുഖ്യമന്ത്രി
'നവീന്‍ ബാബുവിന്റെ മരണത്തില്‍ ദുഃഖമുണ്ട്; തന്റെ ഇടപെടല്‍ സദുദ്ദേശപരമായിരുന്നു, നിരപരാധിത്വം കോടതിയില്‍ തെളിയിക്കും': പി പി ദിവ്യ
ഹിന്ദു മല്ലു വാട്‌സാപ്പ് ഗ്രൂപ്പ്; ഫോറന്‍സിക് റിപോര്‍ട്ടിലും ഹാക്കിംഗ് നടന്നതായി സ്ഥിരീകരിക്കാനായില്ല
തിരഞ്ഞെടുപ്പ് കമ്മീഷന് റിപ്പോര്‍ട്ട് നല്‍കിയതായുള്ള മാധ്യമ വാര്‍ത്ത വസ്തുതാ വിരുദ്ധം; പാലക്കാട് കലക്ടര്‍
മലപ്പുറം വളയംകുളത്ത് കാര്‍ തല കീഴായി മറിഞ്ഞ് അപകടം; യുവാവിന് പരുക്ക്
മേപ്പാടി; പുതുതായി നല്‍കിയ അരിയിലും കാലാവധി കഴിഞ്ഞവയെന്ന് പരാതി
