യുഎസിലെ പെട്രോള്‍ പമ്പില്‍ ആന്ധ്രാ വിദ്യാര്‍ത്ഥി വെടിയേറ്റ് മരിച്ചു

അമരാവതി| യുഎസില്‍ ബിരുദാനന്തര ബിരുദ പഠനം നടത്തുന്ന ആന്ധ്രാപ്രദേശില്‍ നിന്നുള്ള 24കാരന്‍ സായിഷ് വീര യുഎസില്‍ വെടിയേറ്റ് മരിച്ചു. ഇയാള്‍ ജോലി ചെയ്തിരുന്ന പെട്രോള്‍ പമ്പിലായിരുന്നു സംഭവം.

സംഭവം നടന്ന ഉടനെ കൊളംബസ് ഫയര്‍ സര്‍വീസ് ഉദ്യോഗസ്ഥര്‍ സ്ഥലത്തെത്തി സായീഷിനെ ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.സംഭവത്തില്‍ അന്വേഷണം തുടരുകയാണെന്നും വീട്ടുകാരെ വിവരം അറിയിച്ചിട്ടുണ്ടെന്നും പോലീസ് വ്യക്തമാക്കി.സിസിടിവി ക്യാമറകളില്‍ പതിഞ്ഞ പ്രതിയുടെ ഫോട്ടോയും കൊളംബസ് ഡിവിഷന്‍ പൊലീസ് പങ്കുവച്ചിട്ടുണ്ട്.