ജെറ്റ് എയര്‍വേയ്‌സ് സ്ഥാപകന്‍ നരേഷ് ഗോയലിന്റെ ഭാര്യ അനിത ഗോയല്‍ അന്തരിച്ചു

മുംബൈ| ജെറ്റ് എയര്‍വേയ്‌സ് സ്ഥാപകന്‍ നരേഷ് ഗോയലിന്റെ ഭാര്യ അനിത ഗോയല്‍ അന്തരിച്ചു. വ്യാഴാഴ്ച പുലര്‍ച്ചെ മൂന്ന് മണിയോടെ മുംബൈയിലെ സ്വകാര്യ ആശുപത്രിയിലായിരുന്നു അന്ത്യം. ദീര്‍ഘകാലമായി അനിത അര്‍ബുദ രോഗത്തിന് ചികിത്സയിലായിരുന്നു.

ഇടക്കാല ജാമ്യം ലഭിച്ച നരേഷ് ഗോയല്‍ മരണസമയത്ത് അനിതക്കൊപ്പമുണ്ടായിരുന്നു. നരേഷ് ഗോയലും അര്‍ബുദബാധിതനാണ്. മെയ് ആറിന് ചികിത്സയ്ക്കായി ബോംബെ ഹൈകോടതിയാണ് നരേഷ് ഗോയലിന് ജാമ്യം അനുവദിച്ചത്.

2023 സെപ്തംബറിലാണ് നരേഷ് ഗോയലിനെ എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) അറസ്റ്റ് ചെയ്തത്. കാനറ ബേങ്ക് ജെറ്റ് എയര്‍വേയ്‌സിന് നല്‍കിയ 538.62 കോടി അനധികൃതമായി കടത്തിയെന്ന് ആരോപിച്ചായിരുന്നു അറസ്റ്റ്.