ഇംഗ്ലീഷ് സംസാരിക്കാൻ മടിയാണോ? ഈ നുറുങ്ങുകൾ പരീക്ഷിച്ചു നോക്കൂ...

ഇംഗ്ലീഷ് ഗ്രാമർ നന്നായി അറിയാം പക്ഷേ സംസാരിക്കാൻ ആത്മവിശ്വാസക്കുറവോ മടിയോ അങ്ങനെ എന്തെല്ലാമൊക്കയോ പ്രശ്നങ്ങൾ ഉണ്ട്. ഇതാണോ നിങ്ങളുടെ അവസ്ഥ? എന്നാൽ ഈ വഴികൾ ഒന്നു പരീക്ഷിച്ചു നോക്കൂ..

1. സുഹൃത്തിനോട് സംസാരിക്കുക – അപരിചിതർക്ക് മുൻപിൽ ഇംഗ്ലീഷ് സംസാരിക്കുന്നതിന് മുൻപ് ഒരു സുഹൃത്തിനോടൊപ്പം പരിശീലിക്കുകയോ സ്വയം റെക്കോർഡ് ചെയ്ത് പരിശീലിക്കുകയോ ചെയ്യാം. കൂടുതൽ പരിശീലിക്കും തോറും നിങ്ങളുടെ ആത്മവിശ്വാസവും ഇരട്ടിക്കും.
2. ഒഴുക്കിൽ ശ്രദ്ധ കേന്ദ്രീകരിക്കുക – ഇംഗ്ലീഷ് ഭാഷയുടെ പൂർണ്ണതയെക്കാൾ അതിന്റെ ഫ്ലുവൻസിയിൽ ശ്രദ്ധ കേന്ദ്രീകരിക്കുക. എന്തുകൊണ്ട് എന്നാൽ പൂർണ്ണമായ വ്യാകരണത്തെക്കാൾ വ്യക്തമായ ആശയവിനിമയം ആണ് പ്രധാനം.
3. ടിവി ഷോകൾ, പോഡ് കാസ്റ്റുകൾ എന്നിവ കേൾക്കാം – നിങ്ങളുടെ ഉച്ചാരണം മെച്ചപ്പെടുത്തുന്നതിന് ഇംഗ്ലീഷിലുള്ള ടോക്കുകൾ, പോഡ് കാസ്റ്റുകൾ, തൽസമയ ഇവന്റുകൾ, ഷോകൾ എന്നിവ കാണാവുന്നതാണ്.
4. തെറ്റിനെ ഭയക്കേണ്ടതില്ല – ഇംഗ്ലീഷ് സംസാരിക്കുമ്പോൾ നിങ്ങൾക്ക് ആദ്യഘട്ടത്തിൽ തെറ്റുകൾ വന്നേക്കാം. എന്നാൽ ഈ തെറ്റുകളെ ഭയക്കാതെ അത് പാഠങ്ങളായി ഉൾക്കൊണ്ട് മുന്നോട്ടു പോകുകയാണ് വേണ്ടത്.
5. ദിവസവും പ്രാക്ടീസ് ചെയ്യുക – ദിവസവും കുറച്ച് സമയം ഇംഗ്ലീഷ് സംസാരിക്കാൻ ശ്രദ്ധിക്കണം.ഒരു ഇംഗ്ലീഷ് സംഭാഷണ ഗ്രൂപ്പിൽ ചേരുന്നത് ചെറുതും യാഥാർത്ഥ്യബോധം ഉള്ളതുമായ ലക്ഷ്യങ്ങൾ നിങ്ങൾക്കുണ്ടാകും.

ഇനി പൊതു മധ്യത്തിൽ ഇംഗ്ലീഷ് പറയാൻ ആഗ്രഹിക്കുന്നുണ്ടെങ്കിൽ അല്ലെങ്കിൽ ഇംഗ്ലീഷിൽ സംസാരിക്കാൻ ആഗ്രഹമുണ്ടെങ്കിൽ ഈ വഴികൾ പരീക്ഷിച്ചു നോക്കൂ.