നിങ്ങൾക്ക് വിറ്റാമിൻ ഡി കുറവുണ്ടോ? ദൈനംദിന ഭക്ഷണത്തിൽ ഇവ ഉൾപ്പെടുത്താം..

എല്ലുകളുടെ ആരോഗ്യത്തെ പിന്തുണയ്ക്കുന്നതിലും  മാനസിക ക്ഷേമം മെച്ചപ്പെടുത്തുന്നതിലും ആരോഗ്യമുള്ള ചർമ്മത്തെ പ്രോത്സാഹിപ്പിക്കുന്നതിനും വിറ്റാമിൻ ഡി വലിയ പങ്ക് വഹിക്കുന്നു.

ഭക്ഷണങ്ങൾ മാത്രമല്ല സൂര്യപ്രകാശം വഴിയും നിങ്ങൾക്ക് വൈറ്റമിൻ D കിട്ടും. സൂര്യപ്രകാശത്തിൽ നിന്നുള്ള അൾട്രാവയലറ്റ് യു വി രശ്മികൾ ചർമ്മത്തിൽ പതിക്കുമ്പോൾ വിറ്റമിൻ ഡി ശരീരത്തിൽ ഉത്പാദിപ്പിക്കപ്പെടുന്നു. വിറ്റമിൻ ഡിയുടെ അപര്യാപ്തത പരിഹരിക്കാൻ കഴിക്കേണ്ട ഭക്ഷണങ്ങൾ ഏതൊക്കെയാണെന്ന് നോക്കാം.

കൊഴുപ്പുള്ള മത്സ്യങ്ങൾ

• കൊഴുപ്പുള്ള മത്സ്യങ്ങളായ സാൽമൺ, ട്യൂണ, അയല എന്നിവ വിറ്റാമിൻ ഡിയുടെ മികച്ച പ്രകൃതിദത്ത സ്രോതസ്സുകൾ ആണ്. ഇത് നിങ്ങൾക്ക് നല്ല അളവിൽ വിറ്റമിൻ ഡി പ്രദാനം ചെയ്യും.

റെഡ് മീറ്റ്

• ചുവന്ന മാംസത്തിൽ ചെറിയ അളവിൽ വൈറ്റമിൻ ഡി അടങ്ങിയിട്ടുണ്ട്.  ഇത് വിവിധ ശരീര പ്രവർത്തനങ്ങളെ പിന്തുണയ്ക്കുന്നു.

ധാന്യങ്ങൾ

• ധാന്യങ്ങളും വിറ്റാമിൻ ഡി യുടെ മികച്ച കലവറകളാണ്.പ്രഭാത ഭക്ഷണങ്ങളിൽ ധാന്യം ഉൾപ്പെടുത്തി വിറ്റാമിൻ ഡി ഉറപ്പിക്കുന്നത് നല്ലതാണ്. മാത്രമല്ല കുറഞ്ഞ ചെലവിൽ ഇവയുടെ ഉപയോഗം വർദ്ധിപ്പിക്കാനും കഴിയും.

സപ്ലിമെന്റുകൾ

• വിറ്റാമിൻ ഡി സപ്ലിമെന്റുകൾ ആവശ്യത്തിനു കഴിക്കുന്നത് ഒരു നല്ല മാർഗ്ഗമാണ്. പരിമിതമായ സൂര്യപ്രകാശമുള്ള ഇടങ്ങളിലും ഭക്ഷണ ശ്രോതസ്സ് കുറവായ ഇടങ്ങളിലും ആണ് നിങ്ങൾ ജീവിക്കുന്നതെങ്കിൽ സപ്ലിമെൻസുകളും എടുക്കാവുന്നതാണ്.

കൂൺ

• കൂണുകൾക്ക് വിറ്റാമിൻ D2  നൽകാൻ സാധിക്കും. മെച്ചപ്പെട്ട വിറ്റാമിൻ ലഭ്യതയ്ക്കായി കൂണുകളും ഉപയോഗിക്കാവുന്നതാണ്.

പാൽ ഉൽപ്പന്നങ്ങൾ

• തൈര് അടക്കം പാലുൽപന്നങ്ങളിലും വൈറ്റമിൻ ഡി ധാരാളമായി അടങ്ങിയിട്ടുണ്ട്. ഇത് നിങ്ങളുടെ ദൈനംദിന ഉപയോഗത്തെ ഫലപ്രദമായി നിലനിർത്താൻ സഹായിക്കുന്നു.

മുട്ടയുടെ മഞ്ഞ

• മുട്ടയുടെ മഞ്ഞക്കരുവും ചീസും ഉൾപ്പെടെ ഭക്ഷ്യവസ്തുക്കളും ചെറിയ അളവിൽ വൈറ്റമിൻ ഡി നൽകുന്നു. വൈറ്റമിൻ ഡി ത്രീ രൂപത്തിലാണ് ഇത് നൽകുന്നത്.

വൈറ്റമിൻ ഡി നമ്മുടെ ശരീരത്തിന് വളരെ ആവശ്യമായ ഒരു ഘടകമാണ്. ചർമ്മത്തെയും ആരോഗ്യത്തെയും സൂക്ഷിക്കാൻ ഇത് പ്രധാനമാണ്. ഈ ഭക്ഷണങ്ങളെ കൂടെ കൂട്ടിയും ആവശ്യത്തിന് വെയിൽ കൊണ്ടും  നമുക്ക് വൈറ്റമിൻ ഡി ശരീരത്തിൽ ഉറപ്പാക്കാം.