ആര്‍മി റിക്രൂട്ട്‌മെന്റ് ഓണ്‍ലൈന്‍ പൊതുപ്രവേശന പരീക്ഷ 17 മുതല്‍

തിരുവനന്തപുരം | ദക്ഷിണ കേരളത്തിലെ ഏഴ് ജില്ലകള്‍ക്കായി കരസേനയിലേക്കുള്ള ഓണ്‍ലൈന്‍ പൊതു പ്രവേശന പരീക്ഷ (സി ഇ ഇ) ഈ മാസം 17 മുതല്‍ നടക്കും.  26 വരെയാണ് പരീക്ഷ. എറണാകുളം, കൊല്ലം, കോട്ടയം, തിരുവനന്തപുരം ജില്ലകളിലെ തിരഞ്ഞെടുത്ത കേന്ദ്രങ്ങളില്‍ വെച്ചാണ് പരീക്ഷ നടക്കുന്നത്.

അഗ്നിവീറിലെ എല്ലാ ട്രേഡുകളിലേക്കും കൂടാതെ സോള്‍ജിയര്‍ ടെക്‌നിക്കല്‍ അസിസ്റ്റന്റ്, നേഴ്‌സിംഗ് അസിസ്റ്റന്റ് വെറ്ററിനറി, മത അധ്യാപകര്‍, ആര്‍മി മെഡിക്കല്‍ കോര്‍പ്‌സില്‍ ശിപായി ഫാര്‍മ, ഹവില്‍ദാര്‍ (സര്‍വേയര്‍ ഓട്ടോമാറ്റഡ് കാര്‍ട്ടോഗ്രാഫര്‍) തസ്തികകളിലേക്കാണ് പരീക്ഷ നടത്തുന്നത്.