കലയും സാഹിത്യവും മനുഷ്യനെ നന്മയിലേക്ക് നയിക്കുന്നു: ഡോ. ഹക്കീം അസ്ഹരി

മഞ്ചേരി | കലയും സാഹിത്യവും ദൈവത്തിന്റെ സൃഷ്ടി വൈഭവത്തെ കുറിച്ച് ചിന്തിക്കാന്‍ മനുഷ്യനെ പ്രേരിപ്പിക്കുമെന്ന് എസ് വൈ എസ് സംസ്ഥാന ജനറല്‍ സെക്രട്ടറി ഡോ. അബ്ദുല്‍ ഹക്കീം അസ്ഹരി. കേരള സാഹിത്യോത്സവ് ഉദ്ഘാടന സംഗമത്തില്‍ പ്രസംഗിക്കുകയായിരുന്നു അദ്ദേഹം.

നമ്മുടെ ജീവിതം പിന്‍ തലമുറക്ക് അടയാളമാകണമെന്നും അതിന്റെ പ്രകാശനമാണ് കലയുടെയും സാഹിത്യത്തിലൂടെയും ഉണ്ടാകേണ്ടതെന്നും അസ്ഹരി പറഞ്ഞു.

നാടിന്റെ ആഘോഷവും വിജ്ഞാനത്തിന്റെ ഉറവയുമായി നടക്കുന്ന സാഹിത്യോത്സവ്, നാടിന്റെ വളര്‍ച്ചയുടെയും രാജ്യത്തിന്റെ പുരോഗതിയുടെയും അടയാളവും സമൂഹത്തിന് നന്മയെ കാണിച്ച് കൊടുക്കുന്ന ഇടവും കൂടിയായി മാറിയിട്ടുണ്ടെന്നും അദ്ദേഹം കൂട്ടിച്ചേര്‍ത്തു.