Kozhikode
കേരള ഫോക്‌ലോര്‍ അക്കാദമി പുരസ്‌കാരം അശ്‌റഫ് സഖാഫി പുന്നത്ത് സ്വീകരിച്ചു
സാംസ്‌കാരിക മന്ത്രി സജി ചെറിയാനാണ് അവാര്‍ഡ് സമ്മാനിച്ചത്.
നോളജ് സിറ്റി|കേരള ഫോക്‌ലോര്‍ അക്കാദമിയുടെ യുവപ്രതിഭാ പുരസ്‌കരം അശ്‌റഫ് സഖാഫി പുന്നത്ത് സ്വീകരിച്ചു. സാംസ്‌കാരിക മന്ത്രി സജി ചെറിയാനാണ് അവാര്‍ഡ് സമ്മാനിച്ചത്. മര്‍കസ് നോളജ് സിറ്റിയിലെ മലൈബാര്‍ ഫൗണ്ടേഷനിലെ ആര്‍ക്കൈവ് കോഡിനേറ്ററാണ് അശ്‌റഫ് സഖാഫി. മാപ്പിളപ്പാട്ട് ഗവേഷണ – പരിശീലന രംഗത്തെ സ്തുത്യര്‍ഹമായ പ്രവര്‍ത്തനങ്ങളാണ് അശ്‌റഫ് സഖാഫി പുന്നത്തിനെ അവാര്‍ഡിനര്‍ഹനാക്കിയത്.
മാപ്പിളപ്പാട്ട് ഗവേഷകനും പരിശീലകനും രചയിതാവുമായ അശ്‌റഫ് സഖാഫി സാഹിത്യോത്സവ് ഉള്‍പ്പെടെയുള്ള മത്സരങ്ങളിലെ സ്ഥിരം വിധികര്‍ത്താവാണ്. കൂടാതെ, മാപ്പിളപ്പാട്ടുമായി ബന്ധപ്പെട്ട ചര്‍ച്ചകളിലെയും മറ്റും നിറസാന്നിധ്യമാണ്. ആള്‍ കേരള കിസ്സപ്പാട്ട് അസോസിയേഷന്‍ സംസ്ഥാന സെക്രട്ടറി കൂടിയാണ് ഇദ്ദേഹം.
മലപ്പുറം ജില്ലയിലെ കൊണ്ടോട്ടിക്കടുത്ത് കുമ്മിണിപ്പറമ്പ് സ്വദേശിയായ ഇദ്ദേഹം മാപ്പിളപ്പാട്ട് ഗവേഷണ രംഗത്ത് വര്‍ഷങ്ങളായി സജീവമാണ്. ‘മാപ്പിളപ്പാട്ടു നിയമങ്ങള്‍’ എന്ന പേരില്‍ കഴിഞ്ഞ വര്‍ഷം ഗ്രന്ഥം പുറത്തിറക്കിയിരുന്നു. മോയിന്‍ കുട്ടി വൈദ്യരുടെ ബദര്‍ പടപ്പാട്ടുകളുടെ വ്യാഖ്യാനം 15 വാള്യങ്ങളിലായി പുറത്തിറക്കുന്നുണ്ട്. ഒന്നാം വാള്യം നേരത്തെ പുറത്തിറങ്ങി. രണ്ടാം വാള്യത്തിന്റെ പ്രവര്‍ത്തനങ്ങള്‍ അന്തിമഘട്ടത്തിലാണ്.
അബൂബക്കര്‍ – നഫീസ ദമ്പതികളുടെ മകനാണ്. ഭാര്യ: ഫാത്വിമ നാജിയ. മക്കള്‍: സഹ്‌ല ബുശ്റ, നഫീസ മുല്ല.
Latest
മഹാരാഷ്ട്രയിലും ഝാര്‍ഖണ്ഡിലും വോട്ടെണ്ണല്‍ തുടങ്ങി
നിയമസഭ തിരഞ്ഞെടുപ്പ്: മഹാരാഷ്ട്രയിലും ഝാര്‍ഖണ്ഡിലും ഇന്ന് വോട്ടെണ്ണല്‍
പാലക്കാട്ട് രാഹുല്‍ ജയിച്ചു; ഭൂരിപക്ഷം 18,724 ചേലക്കരയില്‍ യു ആര്‍ പ്രദീപ് വിജയിച്ചു; ഭൂരിപക്ഷം 12,122
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്‍
ഹജ്ജ് കമ്മിറ്റി അംഗങ്ങളായി; ചെയര്‍മാന്‍ തിരഞ്ഞെടുപ്പ് ഉടന്‍
പെണ്‍മക്കളെ പീഡിപ്പിച്ച കേസില്‍ അച്ഛനെ രാജാക്കാട് പോലീസ് അറസ്റ്റ് ചെയ്തു
