Uae
ഷാര്‍ജയില്‍ അത്യാധുനിക മള്‍ട്ടി സ്പെഷ്യാലിറ്റി ആശുപത്രി തുറന്ന് ആസ്റ്റര്‍
രണ്ടു ലക്ഷം ചതുരശ്ര അടി വിസ്തീര്‍ണമുള്ള ആശുപത്രിയില്‍ റോബോട്ടിക് സര്‍ജറി ഉള്‍പ്പടെയുള്ള അതിസങ്കീര്‍ണവും നൂതനവുമായ ചികിത്സാരീതികള്‍ ലഭ്യമാക്കാനാണ് പദ്ധതി
ഷാര്‍ജ | ആസ്റ്റര്‍ ഡി എം ഹെല്‍ത്ത്കെയറിന്റെ അത്യാധുനിക സൗകര്യങ്ങളോടെയുള്ള മള്‍ട്ടി സ്പെഷ്യാലിറ്റി ആശുപത്രി ഷാര്‍ജയില്‍ പ്രവര്‍ത്തനം ആരംഭിച്ചു. രണ്ടു ലക്ഷം ചതുരശ്ര അടി വിസ്തീര്‍ണമുള്ള ആശുപത്രിയുടെ ഉദ്ഘാടനം ഷാര്‍ജ ഉപ ഭരണാധികാരിയും, ഷാര്‍ജ എക്സിക്യൂട്ടീവ് കൗണ്‍സില്‍ ഡെപ്യൂട്ടി ചെയര്‍മാനുമായ ഹിസ് ഹൈനസ് ശൈഖ് സുല്‍ത്താന്‍ ബിന്‍ അഹമ്മദ് അല്‍ ഖാസിമി നിര്‍വഹിച്ചു.
രണ്ടു ലക്ഷം ചതുരശ്ര അടി വിസ്തീര്‍ണമുള്ള ആശുപത്രിയില്‍ റോബോട്ടിക് സര്‍ജറി ഉള്‍പ്പടെയുള്ള അതിസങ്കീര്‍ണവും നൂതനവുമായ ചികിത്സാരീതികള്‍ ജനങ്ങള്‍ക്ക് ലഭ്യമാക്കാനാണ് ആസ്റ്റര്‍ പദ്ധതിയിടുന്നത്. നിലവില്‍ ഒബ്സ്റ്റട്രിക്സ് ആന്‍ഡ് ഗൈനക്കോളജി, ഓര്‍ത്തോപീഡിക്സ്, ഗാസ്ട്രോഎന്‍ട്രോളജി, കാര്‍ഡിയോളജി, ജനറല്‍ സര്‍ജറി, പീഡിയാട്രിക്സ് തുടങ്ങി ഇരുപതില്‍ അധികം സേവനങ്ങള്‍ ഷാര്‍ജയില്‍ ലഭ്യമാണ്. വരുംനാളുകളില്‍ കൂടുതല്‍ സൂപ്പര്‍ സ്പെഷ്യാലിറ്റികള്‍ കൂടെ കൂട്ടിച്ചേര്‍ക്കും.
ഷാര്‍ജയിലെയും മറ്റു വടക്കന്‍ എമിറേറ്റ്സിലെയും ജനങ്ങള്‍ക്ക് വിദഗ്ധവും മേന്മയുമുള്ള ചികിത്സ താങ്ങാവുന്നതും, അനായാസം പ്രാപ്യവുമായ രീതിയില്‍ ലഭ്യമാക്കുക എന്ന ലക്ഷ്യത്തോടെയാണ് ആശുപത്രി പ്രവര്‍ത്തിക്കുക. യു എ ഇയിലെ അഞ്ചാമത്തെയും ആസ്റ്റര്‍ ഗ്രൂപ്പിനു കീഴിലുള്ള 30-മത്തെ ആശുപത്രിയും ജനങ്ങള്‍ക്ക് വേണ്ടി തുറന്നു കൊടുക്കാന്‍ സാധിച്ചതില്‍ സന്തോഷവും അഭിമാനവുമുണ്ടെന്ന് ആസ്റ്റര്‍ ഡി എം ഹെല്‍ത്ത്കെയര്‍ ചെയര്‍മാനും മാനേജിംഗ് ഡയറക്ടറുമായ ആസാദ് മൂപ്പന്‍ പറഞ്ഞു. ‘അത്യാധുനിക സൗകര്യങ്ങളുള്ള ആശുപത്രിയില്‍ അതിനൂതന ചികിത്സകളടക്കം ജനങ്ങള്‍ക്ക് ഒരുക്കിക്കൊടുക്കും. ഈ പദ്ധതി യാഥാര്‍ഥ്യമാക്കാന്‍ സാഹായിച്ച ഭരണാധികാരികള്‍ക്കും അധികാരികള്‍ക്കും ഷാര്‍ജയിലെ ജനങ്ങള്‍ക്കും നന്ദി പറയുന്നതായും അദ്ദേഹം പറഞ്ഞു.
ആസ്റ്ററിന്റെ സേവനങ്ങള്‍ ജനങ്ങളിലേക്ക് എത്തിക്കുകയെന്ന ശ്രമത്തിലാണ് തങ്ങളെന്ന് ആസ്റ്റര്‍ ഡി എം ഹെല്‍ത്ത്കെയര്‍ ഡെപ്യൂട്ടി മാനേജിംഗ് ഡയറക്ടര്‍ അലീഷ മൂപ്പന്‍ പറഞ്ഞു. ഷാര്‍ജയിലെ ജനങ്ങള്‍ക്ക് ആസ്റ്റര്‍ ആശുപത്രിയിലെ വിദഗ്ധ ചികിത്സ ഉറപ്പാക്കാന്‍ ഇനി ദുബൈ വരെ വരേണ്ടതില്ല. പുതിയ ആശുപത്രിയില്‍ ഏറ്റവും മികച്ച സൗകര്യങ്ങള്‍ ഒരുക്കിയിട്ടുണ്ടെന്നും അലീഷ പറഞ്ഞു.
Latest
ഒന്നര മാസങ്ങള്‍ക്കുള്ളില്‍ ഒന്‍പത് വീടുകളില്‍ നിന്നായി 25 പവന്‍ കവര്‍ന്ന ഓന്തുഷാജി പിടിയില്‍
താമരശേരി ചുരം ഇറങ്ങുന്നതിനിടെ ബസിന്റെ ബ്രേക്ക് തകരാറിലായി; സംരക്ഷണഭിത്തിയില്‍ ഇടിച്ചു, വന്‍ അപകടം ഒഴിവായി
അമേരിക്കയില്‍ യാത്രാവിമാനം സൈനിക ഹെലികോപ്റ്ററുമായി കൂട്ടിയിടിച്ച് തകര്‍ന്നു; 68 പേര്‍ അപകടത്തില്‍ പെട്ടു
പെരുമ്പാവൂരില്‍ ക്ഷേത്രക്കുളത്തില്‍ യുവാവിന്റെ മൃതദേഹം കണ്ടെത്തി
ഇ പി ജയരാജന്റെ ആത്മകഥ; വ്യാജ പുസ്തകം പ്രഖ്യാപിച്ച ഡി സി ബുക്‌സിന് എതിരായ കേസില്‍ കുറ്റപത്രം ഉടന്‍
സ്‌കൂള്‍ ബസിനുള്ളില്‍ ഒന്‍പതാം ക്ലാസുകാരന് കുത്തേറ്റ സംഭവം; പ്ലസ് വണ്‍ വിദ്യാര്‍ഥിയെ ഇന്ന് ജുവനൈല്‍ കോടതിയില്‍ ഹാജരാക്കും
