National
വനിതാ കമ്മീഷന്‍ അധ്യക്ഷക്കെതിരായ ആക്രമണം: ഗവര്‍ണറെ വിമര്‍ശിച്ച് കെജ്രിവാള്‍
ഡല്‍ഹിയിലെ ക്രമസമാധാനം മെച്ചപ്പെടുത്തുന്നതിന് പകരം വൃത്തികെട്ട രാഷ്ട്രീയം കളിക്കുകയാണ് ഗവര്‍ണര്‍ വി.കെ. സക്‌സേനയെന്ന് അരവിന്ദ് കെജ്രിവാള്‍ പറഞ്ഞു.
ന്യൂഡല്‍ഹി| ഡല്‍ഹി വനിതാ കമ്മീഷന്‍ അധ്യക്ഷക്കെതിരെ ആക്രമണമുണ്ടായ സംഭവത്തില്‍ ലെഫ്റ്റനന്റ് ഗവര്‍ണര്‍ക്കെതിരെ രൂക്ഷവിമര്‍ശനവുമായി അരവിന്ദ് കെജ്രിവാള്‍. ഡല്‍ഹിയിലെ ക്രമസമാധാനം മെച്ചപ്പെടുത്തുന്നതിന് പകരം വൃത്തികെട്ട രാഷ്ട്രീയം കളിക്കുകയാണ് ലെഫ്റ്റനന്റ് ഗവര്‍ണര്‍ വി.കെ. സക്‌സേനയെന്ന് മുഖ്യമന്ത്രി അരവിന്ദ് കെജ്രിവാള്‍ പറഞ്ഞു.
വനിതാ കമ്മീഷന്‍ അധ്യക്ഷ പോലും സുരക്ഷിതയല്ലാത്ത അവസ്ഥയാണിപ്പോള്‍. ഡല്‍ഹിയുടെ ക്രമസമാധാനം, പൊലീസ്, ഡി.ഡി.എ എന്നിവ കൈകാര്യം ചെയ്യലാണ് ഗവര്‍ണറുടെ ജോലി. ഡല്‍ഹിയിലെ മറ്റെല്ലാ വിഷയങ്ങളിലും പ്രവര്‍ത്തിക്കലാണ് ഞങ്ങളുടെ ജോലി. നിങ്ങള്‍ നിങ്ങളുടെ ജോലി ചെയ്യുക. അപ്പോള്‍ മാത്രമേ സിസ്റ്റം പ്രവര്‍ത്തിക്കൂ. നിങ്ങള്‍ നിങ്ങളുടെ ജോലി ചെയ്യാതെ ഞങ്ങളുടെ ജോലിയില്‍ ഇടപെടുകയാണെങ്കില്‍, സിസ്റ്റം എങ്ങനെ പ്രവര്‍ത്തിക്കുമെന്നും ഗവര്‍ണറോട് കെജ്രിവാള്‍ ട്വിറ്ററില്‍ ചോദിച്ചു.
വ്യാഴാഴ്ച പുലര്‍ച്ചെയാണ് ഡല്‍ഹി വനിതാ കമീഷന്‍ അധ്യക്ഷക്കുനേരെ ആക്രമണമുണ്ടായത്. മദ്യപിച്ച് കാറോടിച്ച് വന്നയാള്‍ ഡല്‍ഹി വനിതാ കമീഷന്‍ അധ്യക്ഷ സ്വാതി മാലിവാളിനെ റോഡില്‍ 15 മീറ്ററോളം വലിച്ചിഴച്ചു. സംഭവത്തില്‍ 47കാരനെ അറസ്റ്റ് ചെയ്തിട്ടുണ്ട്.
Latest
മാട്രിമോണിയല്‍ സൈറ്റുകള്‍ വഴി പണം തട്ടിയ കേസ്; ദമ്പതികള്‍ അറസ്റ്റില്‍
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ദൃശ്യങ്ങള്‍ പ്രചരിപ്പിച്ചു; പ്രതിക്ക് 12 വര്‍ഷം കഠിനതടവും 2.1 ലക്ഷം രൂപ പിഴയും
ശൈഖ് അബൂബക്കര്‍ ഫൗണ്ടേഷന്‍ സ്‌കോളര്‍ സ്പാര്‍ക് ടാലന്റ് ഹണ്ട് പരീക്ഷ: അപേക്ഷ ക്ഷണിച്ചു
നെടുമ്പാശ്ശേരി വിമാനത്താവളത്തില്‍ ഏഴരക്കോടിയുടെ കഞ്ചാവ് പിടിച്ചെടുത്തു; മൂന്നുപേര്‍ അറസ്റ്റില്‍
നമ്മള്‍ ഇന്ത്യക്ക് പുറത്തുള്ളവരാണോ, പുറന്തള്ളപ്പെടേണ്ടവരാണോ; കേന്ദ്ര അവഗണനക്കെതിരെ മുഖ്യമന്ത്രി
ദുരിതാശ്വാസം: വയനാട്ടില്‍ ചൊവ്വാഴ്ച എല്‍ ഡി എഫ്, യു ഡി എഫ് ഹര്‍ത്താല്‍
