Kerala
അട്ടപ്പാടി മധുവധക്കേസ്; മധുവിന്റെ മാതാവിനെ ഭീഷണിപ്പെടുത്തിയ കേസ് പരിഗണിക്കുന്നത് മാറ്റിവെച്ചു
സ്‌പെഷ്യല്‍ പ്രോസിക്യൂട്ടറെ നിയമിക്കണമെന്ന മല്ലിയുടെ അപേക്ഷയെ തുടര്‍ന്നാണ് കേസ് ഓഗസ്റ്റ് 29 ലേക്ക് മാറ്റിയത്
പാലക്കാട് | അട്ടപ്പാടിയില്‍ ആള്‍ക്കൂട്ട ആക്രമണത്തില്‍ കൊല്ലപ്പെട്ട മധുവിന്റെ മാതാവ് മല്ലിയെ ഭീഷണിപ്പെടുത്തിയ കേസ് പരിഗണിക്കുന്നത് മാറ്റി. സ്‌പെഷ്യല്‍ പ്രോസിക്യൂട്ടറെ നിയമിക്കണമെന്ന മല്ലിയുടെ അപേക്ഷയെ തുടര്‍ന്നാണ് കേസ് ഓഗസ്റ്റ് 29 ലേക്ക് മാറ്റിയത്. ഇത് സംബന്ധിച്ച് മല്ലിയുടെ അപേക്ഷ മണ്ണാര്‍ക്കാട് എസ് സി, എസ് ടി കോടതി ഫയലില്‍ സ്വീകരിച്ചു. വിചാരണ ആരംഭിക്കാനിരിക്കെയാണ് കേസ് മാറ്റിവെച്ചിരിക്കുന്നത്
മധുവധക്കേസ് വിചാരണക്കാലത്താണ് മല്ലിയെയും സഹോദരിയെയും രണ്ട് പേര്‍ ഭീഷണിപ്പെടുത്തിയത്. സംഭവത്തില്‍ മുക്കാലിയിലെ ഒറ്റമൂലി ചികിത്സാ കേന്ദ്രം നടത്തിപ്പുകാരായ അബ്ബാസ്, ഷിഫാന്‍ എന്നിവരെ പ്രതി ചേര്‍ത്ത് കേസെടുത്തിരുന്നു. മധു വധക്കേസില്‍ നിന്ന് പിന്മാറണമെന്നും പിന്മാറിയില്ലെങ്കില്‍ കൊലപ്പെടുത്തുമെന്ന് ഷിഫാന്‍ ഭീഷണിപ്പെടുത്തിയെന്നായിരുന്നു മല്ലിയമ്മയുടെ പരാതി. കേസില്‍ നിന്ന് പിന്മാറാന്‍ 40 ലക്ഷം രൂപയും വാഗ്ദാനം ചെയ്തിരുന്നു.
അതേസമയം മല്ലിയുടെ അപേക്ഷ പുനഃപരിശോധിക്കുമെന്ന് മണ്ണാര്‍ക്കാട് എസ് സി, എസ് ടി കോടതി ജഡ്ജി ജോമോന്‍ ജോണ്‍ പറഞ്ഞു. പ്രോസിക്യൂഷന് വേണ്ടി മണ്ണാര്‍ക്കാട് സ്‌പെഷ്യല്‍ പ്രോസിക്യൂട്ടര്‍ പി ജയന്‍ ഹാജരായി. കേസില്‍ പ്രതി അബ്ബാസിന്റെ മുന്‍കൂര്‍ ജാമ്യാപേക്ഷ സുപ്രിംകോടതി നേരത്തെ തള്ളിയിരുന്നു.
Latest
എറണാകുളം, കോഴിക്കോട്, വയനാട് ജില്ലകളില്‍ ഇന്ന് മഴ ഏറ്റവും ശക്തമാകും
കോണ്‍ഗ്രസ്സിനെതിരെ വിമതര്‍ സി പി എം പിന്തുണയോടെ ഏറ്റുമുട്ടുന്നു; ചേവായൂര്‍ ബാങ്ക് തെരഞ്ഞെടുപ്പ് ഇന്ന്
ഉത്തര്‍പ്രദേശില്‍ ആശുപത്രിയില്‍ തീപിടിത്തം; 10 നവജാതശിശുക്കള്‍ വെന്തുമരിച്ചു
കമ്യൂണിസ്റ്റ് പാര്‍ട്ടിക്ക് ശ്രീലങ്കന്‍ പാര്‍ലമെന്റ് തെരഞ്ഞെടുപ്പിലും വമ്പന്‍ വിജയം
വിദേശത്ത് ജോലി വാഗ്ദാനം; പണം തട്ടിയ അമ്മയും മകളും അറസ്റ്റില്‍
ഹോസ്റ്റല്‍ കെട്ടിടത്തില്‍ നിന്ന് വീണ നഴ്‌സിംഗ് വിദ്യാര്‍ഥിനി മരിച്ചു
