National
വനിതാ പോലീസ് ഓഫീസര്‍ കുളിക്കുന്ന ദൃശ്യങ്ങളെടുത്ത് പണം തട്ടാന്‍ ശ്രമം; കോണ്‍സ്റ്റബിളിനെതിരെ കേസ്
സെപ്തംബര്‍ 26ന് ഡ്രൈവര്‍ കാണാന്‍ വരികയും തന്റെ കൈയില്‍ നിങ്ങളുടെ നഗ്‌ന ദൃശ്യങ്ങളുണ്ടെന്നും അഞ്ച് ലക്ഷം രൂപ തന്നില്ലെങ്കില്‍ സാമൂഹിക മാധ്യമങ്ങളില്‍ പ്രചരിപ്പിക്കുമെന്നും ഭീഷണിപ്പെടുത്തി.
ഭോപ്പാല്‍| വനിതാ പോലീസ് ഓഫീസര്‍ കുളിക്കുന്ന ദൃശ്യങ്ങളെടുത്ത് ഭീഷണിപ്പെടുത്തി പണം തട്ടാന്‍ ശ്രമിച്ച പോലീസ് ഉദ്യോഗസ്ഥനെതിരെ കേസ്. മധ്യപ്രദേശിലെ ഭോപ്പാലിലാണ് സംഭവം. പോലീസ് ഉദ്യോഗസ്ഥയുടെ ഡ്രൈവറായി ജോലി ചെയ്തിരുന്ന കോണ്‍സ്റ്റബിളിനെതിരെയാണ് കേസെടുത്തത്. സെപ്തംബര്‍ 22ന് കുളിച്ചുകൊണ്ടിരിക്കെ ആരോ കാമറയില്‍ പകര്‍ത്തുന്നതായി വനിതാ പോലീസ് ഉദ്യോഗസ്ഥക്ക് സംശയം തോന്നുകയായിരുന്നു. പരിശോധിച്ചപ്പോള്‍ വാതിലിന് മുകളില്‍ മൊബൈല്‍ ഫോണ്‍ കാമറ കണ്ടെത്തി. സംഭവ സ്ഥലത്തുനിന്ന്് ഡ്രൈവര്‍ ഓടിപ്പോകുന്നതും ശ്രദ്ധയില്‍പ്പെട്ടു.
സെപ്തംബര്‍ 26ന് ഡ്രൈവര്‍ കാണാന്‍ വരികയും തന്റെ കൈയില്‍ നിങ്ങളുടെ നഗ്‌ന ദൃശ്യങ്ങളുണ്ടെന്നും 5 ലക്ഷം രൂപ തന്നില്ലെങ്കില്‍ സാമൂഹിക മാധ്യമങ്ങളില്‍ പ്രചരിപ്പിക്കുമെന്നും ഭീഷണിപ്പെടുത്തി. പോലീസ് ഹെഡ്ക്വാര്‍ട്ടേഴ്സിലാണ് ഉദ്യോഗസ്ഥ പരാതി നല്‍കിയത്. പിന്നീട് ക്രൈം ബ്രാഞ്ച് കേസ് ഏറ്റെടുത്തു. ഭീഷണിപ്പെടുത്തല്‍, ഐടി ആക്ട് എന്നീ വകുപ്പുകള്‍ ചേര്‍ത്താണ് ഇയാള്‍ക്കെതിരെ കേസെടുത്തത്. പ്രതി ഒളിവിലാണ്.
Latest
ഒരുമയുടെ കഥ പറഞ്ഞ് എസ് വൈ എസ് മാനവസഞ്ചാരം കോട്ടക്കലില്‍
നൂറുല്‍ ഉലമ; വാക്കും വരയും പടവാളാക്കിയ പണ്ഡിതന്‍ :എന്‍ അലി അബ്ദുല്ല
നഴ്‌സിങ് വിദ്യാര്‍ഥിനിയുടെ മരണം; സഹപാഠികളെ കസ്റ്റഡിയില്‍ കിട്ടാന്‍ പോലീസ് കോടതിയില്‍ അപേക്ഷ നല്‍കി
തിരുവനന്തപുരത്തും കോട്ടയത്തുമായി കഞ്ചാവുമായി രണ്ട് പേര്‍ പിടിയില്‍
കര്‍ണാടകയിലും കരുത്തറിയിച്ച് കോണ്‍ഗ്രസ്; ദയനീയ പരാജയവുമായി ബിജെപി
പെര്‍ത്ത് ടെസ്റ്റ്; തകര്‍ത്തടിച്ച് ജയ്‌സ്വാളും രാഹുലും, ഇന്ത്യ ശക്തമായ നിലയില്‍
