lokayuktha ordinance
ശ്രമം ലോകായുക്തയെ ഉപദേശക സംവിധാനമാക്കാൻ
'സി പി എമ്മിന്റെ അഴിമതി വിരുദ്ധ നാട്യങ്ങളുടെ പൊള്ളത്തരം ഒരിക്കൽക്കൂടി ജനങ്ങൾക്ക് ബോധ്യമാവുകയാണ്.'
ലോകായുക്തയുടെ പല്ലും നഖവും ഇല്ലാതാക്കി അതിനെ വെറും ഉപദേശക സംവിധാനമാക്കി മാറ്റുകയാണ് കേരളത്തിലെ പിണറായി വിജയന്റെ കമ്മ്യൂണിസ്റ്റ് സർക്കാറെന്ന് കെ പി സി സി വൈസ് പ്രസിഡൻ്റ് വി ടി ബൽറാം ഫേസ്ബുക്കിൽ കുറിച്ചു. സർവകലാശാല നിയമന വിഷയങ്ങളിൽ മന്ത്രി ആർ ബിന്ദുവിനെതിരെയും ദുരിതാശ്വാസ നിധി ദുരുപയോഗം ചെയ്തതിന്റെ പേരിൽ മുഖ്യമന്ത്രി പിണറായി വിജയനെതിരെയുമൊക്കെ ലോകായുക്തയിൽ കേസ് നടന്നു കൊണ്ടിരിക്കുന്ന വേളയിലാണ് ഇപ്പോൾ നിയമസഭയിൽ പോലും അവതരിപ്പിക്കാതെ തിരക്കുപിടിച്ച് ഓർഡിനൻസ് വഴി ലോകായുക്ത നിയമത്തിലെ പ്രധാന വകുപ്പുകൾ ഭേദഗതി ചെയ്ത് അധികാരം ഇല്ലാതാക്കുന്നത്. നിഷ്പക്ഷമായ ഒരു ജുഡീഷ്യൽ സംവിധാനത്തിന്റെ അധികാരം സർക്കാർ കൈയടക്കുന്നതോടെ കള്ളന്റെ കൈയിൽത്തന്നെ താക്കോൽ കൊടുക്കപ്പെടുന്ന അവസ്ഥയാണ് ഉണ്ടാവാൻ പോവുന്നത്. സി പി എമ്മിന്റെ അഴിമതി വിരുദ്ധ നാട്യങ്ങളുടെ പൊള്ളത്തരം ഒരിക്കൽക്കൂടി ജനങ്ങൾക്ക് ബോധ്യമാവുകയാണ്. 2013 കാലത്ത് മൻമോഹൻ സിംഗ് സർക്കാർ ലോക്പാൽ, ലോകായുക്ത നിയമങ്ങൾ കൊണ്ടുവരുന്ന കാലത്ത് രാജ്യത്ത് അഴിമതി വിരുദ്ധതയുടെ അപ്പോസ്തലന്മാരായി നടിച്ചിരുന്നവരാണ് സി പി എമ്മുകാർ. അണ്ണാ ഹസാരെയെപ്പോലുള്ള സംഘ് പരിവാർ ഏജന്റുമാരോടൊപ്പം ചേർന്ന് യു പി എ സർക്കാറിനെതിരെ പ്രചരണം നടത്താൻ നേതൃത്വം നൽകിയത് വൃന്ദ കാരാട്ട് അടക്കമുള്ള സി പി എം നേതാക്കളായിരുന്നുവെന്നും അദ്ദേഹം കുറിച്ചു. പോസ്റ്റ് പൂർണരൂപത്തിൽ:
അഴിമതിക്കെതിരെ പോരാടാനും ഇടപെടാനും കഴിയുന്ന ശക്തമായ ഒരു സംവിധാനം എന്ന നിലയിൽ ‘ലോകായുക്ത’ക്ക് വലിയ പ്രാധാന്യമാണുള്ളത്. എന്നാൽ ആ ലോകായുക്തയുടെ പല്ലും നഖവും ഇല്ലാതാക്കി അതിനെ വെറും ഉപദേശക സംവിധാനമാക്കി മാറ്റുകയാണ് കേരളത്തിലെ പിണറായി വിജയന്റെ കമ്മ്യൂണിസ്റ്റ് സർക്കാർ.
ഇതുപോലൊരു ഓർഡിനൻസിന് ഗവർണർ അംഗീകാരം നൽകുമോ എന്നതാണ് ഇനി നമുക്കറിയാനുള്ളത്. ഇങ്ങനെയൊരു സാഹചര്യം മുൻകൂട്ടി കണ്ടു കൊണ്ടാണോ ഗവർണറുമായി സർക്കാർ തിരക്കിട്ട് ഒത്തുതീർപ്പുണ്ടാക്കിയത് എന്നതും സംശയിക്കാവുന്നതാണ്. ഗവർണർ-ഗവണ്മെന്റ് തർക്കങ്ങളും പൊറാട്ടുനാടകങ്ങളും ജനങ്ങളെ കബളിപ്പിക്കാനാണെന്നും ഇവർ തമ്മിലുള്ള അന്തർധാര സജീവമാണെന്നും പ്രതിപക്ഷമുയർത്തിയ ആക്ഷേപം ശരിവക്കുന്ന തരത്തിലാണ് ചാൻസലർ സ്ഥാനം വീണ്ടും ഏറ്റെടുക്കാൻ ഗവർണർ തീരുമാനിച്ചതായി വാർത്തകളിൽ കാണുന്നത്. ഏതായാലും അൽപ്പമെങ്കിലും ആത്മാർത്ഥതയും താനിരിക്കുന്ന പദവിയോട് ബഹുമാനവും ഗവർണർക്കുണ്ടെങ്കിൽ ഈ ദുരുപദിഷ്ട ഓർഡിനൻസ് തിരിച്ചയക്കാൻ അദ്ദേഹം തയ്യാറാകണം എന്നാണ് ഞങ്ങൾക്ക് ആവശ്യപ്പെടാനുള്ളത്.
Latest
മഹാരാഷ്ട്രയിലും ഝാര്‍ഖണ്ഡിലും വോട്ടെണ്ണല്‍ തുടങ്ങി
നിയമസഭ തിരഞ്ഞെടുപ്പ്: മഹാരാഷ്ട്രയിലും ഝാര്‍ഖണ്ഡിലും ഇന്ന് വോട്ടെണ്ണല്‍
പാലക്കാട് രാഹുല്‍ ലീഡ് 16,611 ; ചേലക്കര യു ആര്‍ പ്രദീപ് ലീഡ് 12,067
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്‍
ഹജ്ജ് കമ്മിറ്റി അംഗങ്ങളായി; ചെയര്‍മാന്‍ തിരഞ്ഞെടുപ്പ് ഉടന്‍
പെണ്‍മക്കളെ പീഡിപ്പിച്ച കേസില്‍ അച്ഛനെ രാജാക്കാട് പോലീസ് അറസ്റ്റ് ചെയ്തു
