Kerala
വീട്ടമ്മയെ ബലാല്‍സംഗം ചെയ്യാന്‍ ശ്രമം; യുവാവ് പിടിയില്‍
കോട്ടയം ഏറ്റുമാനൂര്‍ കാണക്കാരി പറമ്പാട്ട് വീട്ടില്‍ സനോജ് എന്ന് വിളിക്കുന്ന എബിന്‍ മോഹന്‍(37)നെയാണ് അറസ്റ്റ് ചെയ്തത്.
പത്തനംതിട്ട | ഒറ്റയ്ക്ക് താമസിക്കുന്ന സ്ത്രീയെ വീട്ടില്‍ അതിക്രമിച്ചു കയറി ക്രൂരമായി ദേഹോപദ്രവം ഏല്‍പ്പിച്ച് ബലാല്‍സംഗം ചെയ്യാന്‍ ശ്രമിച്ച കേസില്‍ പ്രതിയെ പോലിസ് അറസ്റ്റ് ചെയ്തു. കോട്ടയം ഏറ്റുമാനൂര്‍ കാണക്കാരി പറമ്പാട്ട് വീട്ടില്‍ സനോജ് എന്ന് വിളിക്കുന്ന എബിന്‍ മോഹന്‍(37)നെയാണ് അറസ്റ്റ് ചെയ്തത്.
ഇയാള്‍ ലഹരിക്ക് അടിമയാണെന്ന് അന്വേഷണത്തില്‍ വ്യക്തമായി. ഞായറാഴ്ച രാത്രി എട്ടരയ്ക്കാണ് സംഭവം. വീട്ടമ്മയുടെ വായ്ക്കുള്ളില്‍ മുറിവ് ഉണ്ടാവുകയും ഒരു അണപ്പല്ല് പറിഞ്ഞുപോകുകയും ചെയ്തു. കോന്നി താലൂക്ക് ആശുപത്രിയില്‍ പ്രവേശിപ്പിച്ച ഇവരുടെ മൊഴി രേഖപ്പെടുത്തി കേസ് രജിസ്റ്റര്‍ ചെയ്ത കോന്നി പോലീസ് അന്വേഷണം ഊര്‍ജ്ജിതമാക്കിയിരുന്നു. ശാസ്ത്രീയ അന്വേഷണസംഘം, ഫോറെന്‍സിക് വിഭാഗം, വിരലടയാള വിദഗ്ധര്‍ എന്നിവര്‍ സ്ഥലത്ത് പരിശോധന നടത്തി തെളിവുകള്‍ ശേഖരിച്ചിരുന്നു.
കോന്നിയിലെ ഭാര്യവീട്ടില്‍ നാലു മാസമായി ഇയാള്‍ താമസിച്ചുവരികയാണ്. കോന്നിയിലെ മാരുതി ഷോറൂമില്‍ സ്പ്രേ പെയിന്റര്‍ ആയി ജോലി ചെയ്തുവരികയാണ് പ്രതി. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു. പോലീസ് ഇന്‍സ്‌പെക്ടര്‍ പി ശ്രീജിത്തിന്റെ നേതൃത്വത്തിലാണ് അന്വേഷണം നടക്കുന്നത്. സംഘത്തില്‍ സി പി ഓ മാരായ അല്‍സാം,അനീഷ്, ജോസണ്‍, അഭിലാഷ് എന്നിവരാണുള്ളത്.
Latest
ഹിന്ദുസ്ഥാന്‍ പെട്രോളിയം പ്ലാന്റില്‍ നിന്ന് ഓടയിലൂടെ ഡീസല്‍ ഒഴുകി
കേരള ഹൈക്കോടതി ജീവനക്കാര്‍ ഓഫീസ് സമയത്ത് മൊബൈല്‍ ഫോണ്‍ ഉപയോഗിക്കുന്നതിന് വിലക്ക്
ഉപഹാരമെന്ന് പ്രചരിപ്പിച്ചത് ചാനലുകള്‍ ട്രോളി ബാഗില്‍ നിയമസഭയുമായി ബന്ധപ്പെട്ട രേഖകള്‍: പതിവ് രീതിയെന്ന് സ്പീക്കറുടെ ഓഫീസ്
മുനമ്പത്തേത് വഖ്ഫ് ഭൂമിയല്ലെന്ന വി ഡി സതീശന്റെ പ്രസ്താവനയെക്കുറിച്ച് അദ്ദേഹത്തോട് തന്നെ ചോദിക്കണം: എം കെ മുനീര്‍
വയനാട് ദുരന്തം കേന്ദ്ര സര്‍ക്കാര്‍ അതീവ ഗുരുതര വിഭാഗത്തില്‍ ഉള്‍പ്പെടുത്തി; 2,219 കോടി രൂപയുടെ പാക്കേജ് പരിശോധനയില്‍
വീട്ടമ്മയെ ബലാല്‍സംഗം ചെയ്യാന്‍ ശ്രമം; യുവാവ് പിടിയില്‍
