Pathanamthitta
കൊലപാതകശ്രമം; പ്രതിയെ അറസ്റ്റില്‍
തെളിവെടുപ്പില്‍ സംഭവം നടന്ന വീടിനു മുന്‍വശം റോഡുവക്കിലെ പുല്ലുകള്‍ക്കിടയില്‍ നിന്നും കത്തി പോലീസ് കണ്ടെടുത്തു
കോഴഞ്ചേരി | കടം ചോദിച്ചത് കൊടുക്കാത്തതിലുള്ള വൈരാഗ്യത്തില്‍ അയിരൂര്‍ കൈതക്കോടി സ്വദേശിയെയും സുഹൃത്തിനെയും കൊലപെടുത്താന്‍ ശ്രമിച്ച കേസിലെ പ്രതിയെ കോയിപ്രം പോലീസ് അറസ്റ്റ് ചെയ്തു. മലയാലപ്പുഴ താഴം രഞ്ജിത്ത് ഭവനം വീട്ടില്‍ രഞ്ജിത്ത് (37) ആണ് പിടിയിലായത്. അയിരൂര്‍ കൈതക്കോടി പുതിയകാവ് പാറക്കാലായില്‍ വീട്ടില്‍ നിന്നും ആറന്മുള ഐക്കര അനിലിന്റെ വക സരോവരം വീട്ടില്‍ വാടകക്ക് താമസിക്കുന്ന ശിവകുമാര്‍ (49), സുഹൃത്ത് ഷിബു എന്നിവര്‍ക്ക് ഞായറാഴ്ച്ച സന്ധ്യക്കാണ് കത്തികൊണ്ടുള്ള കുത്തേറ്റത്.
ശിവകുമാറും ഷിബുവും കോട്ടയം മെഡിക്കല്‍ കോളജ് ആശുപത്രിയില്‍ ചികിത്സ തേടി. കുറ്റം സമ്മതിച്ചതിനെതുടര്‍ന്ന് അറസ്റ്റ് രേഖപ്പെടുത്തി. തെളിവെടുപ്പില്‍ സംഭവം നടന്ന വീടിനു മുന്‍വശം റോഡുവക്കിലെ പുല്ലുകള്‍ക്കിടയില്‍ നിന്നും കത്തി പോലീസ് കണ്ടെടുത്തു. പോലിസ് ഇന്‍സ്‌പെക്ടര്‍ സുരേഷ്‌കുമാറിന്റെ നേതൃത്വത്തില്‍ എസ് ഐ മുഹ്സിന്‍ മുഹമ്മദ് , സി പി ഓമാരായ ശ്രീജിത്ത് ,രതീഷ് ,അനന്തു ,വിപിന്‍രാജ് എന്നിവരടങ്ങിയ സംഘമാണ് പ്രതിയെ പിടികൂടിയത്.
Latest
എം ഡി എം എയുമായി രണ്ട് യുവാക്കള്‍ പിടിയില്‍
വൈദ്യുതാഘാതമേറ്റ് യുവാവ് മരിച്ചു
എസ് ഐ ഓടിച്ച കാറിടിച്ച് ഇന്‍ഫോ പാര്‍ക്ക് ജീവനക്കാരന് പരുക്കേറ്റു
വിലക്ക് ലംഘിച്ച് വാര്‍ത്താ സമ്മേളനം; പി വി അന്‍വറിനെതിരെ കേസെടുക്കാന്‍ നിര്‍ദേശം
അബുബാദി സെക്യൂരിറ്റീസ് എക്‌സ്‌ചേഞ്ചില്‍ ലുലുവിന്റെ ലിസ്റ്റിങ്ങ് വ്യാഴാഴ്ച; ഓഹരി അലോക്കേഷന്‍ പൂര്‍ത്തിയായി
'കട്ടന്‍ ചായയും പരിപ്പുവടയും ഒരു കമ്യൂണിസ്റ്റ് ജീവിതം'; കേരള രാഷ്ട്രീയത്തില്‍ പ്രകമ്പനമുണ്ടാക്കാന്‍ ഇ പി ജയരാജന്റെ ആത്മകഥയെത്തുന്നു
