മഞ്ചേരിയില്‍ സ്കൂൾ കുട്ടികളുമായി സഞ്ചരിച്ച ഓട്ടോയും ബസും കൂട്ടിയിടിച്ചു; 5 പേർക്ക് പരുക്ക്

മലപ്പുറം| മലപ്പുറം മഞ്ചേരിയില്‍ ഓട്ടോയും സ്വകാര്യ ബസും കൂട്ടിയിടിച്ച് അപകടം.നാല് വിദ്യാര്‍ഥികള്‍ക്കും ഓട്ടോ ഡ്രൈവര്‍ക്കും അപകടത്തില്‍ പരുക്കേറ്റു.

കുട്ടികളുമായി സ്‌കൂളിലേക്ക് പോകുന്നതിനിടെ ഇന്ന് രാവിലെയാണ് ഓട്ടോറിക്ഷ അപകടത്തില്‍പ്പെട്ടത്. മഞ്ചേരി ചെരണിയിലാണ് അപകടമുണ്ടായത്.

പരുക്കേറ്റവരെ മഞ്ചേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ആരുടെയും പരുക്ക് ഗുരുതരമല്ല.