ഓയൂര്‍ തട്ടിക്കൊണ്ടു പോകല്‍ കേസില്‍ നിര്‍ണായക വിവരം നല്‍കിയത് ഓട്ടോ ഡ്രൈവര്‍

കൊല്ലം |  ഓയൂരില്‍നിന്ന് ആറ് വയസുകാരിയെ തട്ടിക്കൊണ്ടുപോയ കേസില്‍ പോലീസിന് നിര്‍ണായക വിവരം നല്‍കിയത് കല്ലുവാതുക്കല്‍ സ്വദേശിയായ ഓട്ടോ ഡ്രൈവര്‍. ഓട്ടോ ഡ്രൈവറെ ചോദ്യം ചെയ്തതോടെ പ്രതികളെ സംബന്ധിച്ച നിര്‍ണായക വിവരങ്ങള്‍ പോലീസിന് ലഭിച്ചു.ചാത്തന്നൂരുള്ള ഒരു വ്യക്തിയാണ് തട്ടിക്കൊണ്ടു പോകലിന് പിന്നിലെന്ന് ആദ്യം സംശയം പറഞ്ഞത് ഈ ഓട്ടോ ഡ്രൈവറാണ്.

ഇയാള്‍ക്ക് സ്വിഫ്റ്റ് ഡിസയര്‍ കാറും മറ്റൊരു നില നിറത്തിലുള്ള കാറുമുള്ളതായി ഡ്രൈവര്‍ പോലീസിനോട് പറഞ്ഞു. ഇതിന്റെ അടിസ്ഥാനത്തില്‍ നടത്തിയ അന്വേഷണത്തില്‍ വെള്ള സ്വിഫ്റ്റ് കാര്‍ വീട്ടില്‍ ഉപേക്ഷിച്ച് നീലക്കാറില്‍ കടന്നതായി വിവരം ലഭിച്ചു.പ്രതികള്‍ കേരളം വിടാന്‍ പദ്ധതിയിട്ടതായി പോലീസിന് മനസിലായി. മൊബൈല്‍ സിഗ്‌നല്‍ പരിശോധിച്ചാണ് പ്രതികളെ പോലീസ് പിടികൂടുന്നത്.