ബാലചന്ദ്രകുമാര്‍ ആലുവ പോലീസ് ക്ലബില്‍; ദിലീപിന്റെ ചോദ്യം ചെയ്യല്‍ പുരോഗമിക്കുന്നു

ആലുവ | നടിയെ ആക്രമിച്ച കേസിലെ തുടരന്വേഷണവുമായി ബന്ധപ്പെട്ട് നടന്‍ ദിലീപിനെ ക്രൈം ബ്രാഞ്ച് ചോദ്യം ചെയ്യുന്ന രണ്ടാം ദിവസം സംവിധായകന്‍ ബാലചന്ദ്രകുമാറിനെ ആലുവ പോലീസ് ക്ലബിലേക്ക് വിളിപ്പിച്ചു. ഇവിടെ വെച്ചാണ് ദിലീപിനെ ചോദ്യം ചെയ്യുന്നത്. നടിയെ ആക്രമിച്ച കേസ് അന്വേഷിച്ച ഉദ്യോഗസ്ഥരെ വകവരുത്താന്‍ ദിലീപ് ഗൂഢാലോചന നടത്തിയെന്ന് വെളിപ്പെടുത്തിയത് സംവിധായകന്‍ ബാലചന്ദ്ര കുമാറായിരുന്നു.

അതിനിടെ, ബാലചന്ദ്രകുമാറും ക്രൈംബ്രാഞ്ചും തനിക്കെതിരെ ഗൂഢാലോചന നടത്തിയെന്ന് ദിലീപിന്റെ അഭിഭാഷകന്‍ ഹൈക്കോടതിയിൽ ആരോപിച്ചു. വധഗൂഢാലോചനാ കേസിലെ എഫ് ഐ ആർ റദ്ദാക്കണമെന്നാവശ്യപ്പെട്ട് ദിലീപ് നൽകിയ ഹരജിയിൽ വിശദമായി വാദം കേൾക്കുകയായിരുന്നു ഹൈക്കോടതി. കേസ് മറ്റൊരു സ്വതന്ത്ര ഏജന്‍സിയെ ഏല്‍പ്പിക്കണമെന്നും ദിലീപ് ആവശ്യപ്പെട്ടു.