International
സുഹൃത്തുക്കള്‍ക്കൊപ്പം കുളിക്കാനിറങ്ങി; ലാത്വിയയില്‍ മലയാളി വിദ്യാര്‍ത്ഥിയെ തടാകത്തില്‍ കാണാതായി
കായിക താരമായിരുന്ന ആല്‍ബിന്‍ മറൈന്‍ എഞ്ചിനീയറിംഗ് കോഴ്‌സിനായി എട്ടുമാസം മുമ്പാണ് ലാത്വിയയിലേക്ക് പോയത്.
ഇടുക്കി| ഇടുക്കി – അടിമാലി സ്വദേശിയായ വിദ്യാര്‍ത്ഥിയെ വടക്കന്‍ യൂറോപ്പിലെ ലാത്വിയയുടെ തലസ്ഥാനമായ റിഗയിലെ തടാകത്തില്‍ കാണാതായി. ആനച്ചാല്‍ അറക്കല്‍ ഷിന്റോ-റീന ദമ്പതികളുടെ മകന്‍ ആല്‍ബിന്‍ ഷിന്റോ(19)യെയാണ് കാണാതായത്. കായിക താരമായിരുന്ന ആല്‍ബിന്‍ മറൈന്‍ എഞ്ചിനീയറിംഗ് കോഴ്‌സിനായി എട്ടുമാസം മുമ്പാണ് ലാത്വിയയിലേക്ക് പോയത്.
ജൂലൈ പതിനെട്ടിന് സുഹൃത്തുക്കള്‍ക്കൊപ്പം നാലുമണിയോടെയാണ് റിഗയിലെ തടാകത്തില്‍ കുളിക്കുന്നതിനായി ഇറങ്ങിയത്. കുളിക്കുന്നതിനിടെ ആല്‍ബിന്‍ മുങ്ങി പോവുകയായിരുന്നെന്ന് ഒപ്പം ഉണ്ടായിരുന്ന വിദ്യാര്‍ത്ഥികള്‍ പറയുന്നു.
കൂടെയുണ്ടായിരുന്ന വിദ്യാര്‍ത്ഥികളാണ് ആല്‍ബിന്റെ വീട്ടുകാരെ വിവരമറിയിച്ചത്. ആല്‍ബിനായി തിരച്ചില്‍ തുടരുന്നുണ്ടെന്നാണ് ലാത്വിയില്‍ നിന്ന് കിട്ടിയ വിവരമെന്ന് ബന്ധുക്കള്‍ അറിയിച്ചു. പിതാവ് ഷിന്റോ ജീപ്പ് ഡ്രൈവറാണ്. മാതാവ് റീന എല്ലക്കല്‍ എല്‍പി സ്‌ളിലെ ടീച്ചറും.
Latest
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
ഗസ്സയില്‍ കുട്ടികളെ യന്ത്രത്തോക്കുകളാല്‍ കൊല്ലുന്നു; ഇസ്‌റാഈല്‍ ക്രൂരതക്കെതിരെ വീണ്ടും ആഞ്ഞടിച്ച് മാര്‍പ്പാപ്പ
