National
രാജസ്ഥാന്‍ കോണ്‍ഗ്രസിലെ പോര്; പ്രശ്‌നപരിഹാരത്തിന് കമല്‍നാഥിനെ നിയോഗിച്ച് നേതൃത്വം
സച്ചിന്‍ പൈലറ്റ് രാജസ്ഥാന്‍ സര്‍ക്കാരിനെതിരെ നടത്തിയ ഉപവാസ സമരത്തില്‍ കോണ്‍ഗ്രസ് നേതൃത്വത്തിന് കടുത്ത അതൃപ്തിയുണ്ട്.
ന്യൂഡല്‍ഹി| രാജസ്ഥാന്‍ മുഖ്യമന്ത്രി അശോക് ഗെലോട്ടും സച്ചിന്‍ പൈലറ്റും തമ്മിലുള്ള പ്രശ്‌നം പരിഹരിക്കാന്‍ കമല്‍നാഥിനെ നിയോഗിച്ച് കോണ്‍ഗ്രസ്. ഇതുമായി ബന്ധപ്പെട്ട് ഡല്‍ഹിയില്‍ സച്ചിന്‍ പൈലറ്റുമായി കമല്‍നാഥ് കൂടിക്കാഴ്ച നടത്തി.
സച്ചിന്‍ പൈലറ്റ് രാജസ്ഥാന്‍ സര്‍ക്കാരിനെതിരെ നടത്തിയ ഉപവാസ സമരത്തില്‍ കോണ്‍ഗ്രസ് നേതൃത്വത്തിന് കടുത്ത അതൃപ്തിയുണ്ട്. ഇതേത്തുടര്‍ന്ന് സച്ചിനെതിരെ നടപടിയുണ്ടാകുമെന്നാണ് കരുതുന്നതെന്ന് രാജസ്ഥാന്റെ ചുമതലയുള്ള സുഖ്ജീന്ദര്‍ സിങ് രണ്‍ധാവ വ്യക്തമാക്കി.
ഇതിനിടയിലാണ് പ്രശ്‌നം പരിഹരിക്കാന്‍ മുതിര്‍ന്ന നേതാവായ കമല്‍നാഥിനെ ഹൈക്കമാന്റ് നിയോഗിച്ചത്. ഇന്നലെ സച്ചിന്‍ പൈലറ്റുമായും കോണ്‍ഗ്രസ സംഘടന ജനറല്‍ സെക്രട്ടറി കെസി വേണുഗോപാലുമായും കമല്‍നാഥ് കൂടിക്കാഴ്ച നടത്തി. പഞ്ചാബില്‍ നിയമസഭ തെരഞ്ഞടുപ്പിന് മുന്‍പ് സിദ്ധുവും അമരീന്ദര്‍ സിങും തമ്മില്‍ ഉണ്ടായ പ്രശ്‌നങ്ങള്‍ പോലെ ആകാതിരിക്കാന്‍ രാജസ്ഥാനില്‍ കരുതലോടെയാണ് നേതൃത്വത്തിന്റെ നീക്കം.
Latest
സ്റ്റോപ് അനുവദിച്ചിട്ടും മെമു ചെറിയാനാട് നിര്‍ത്തിയില്ല; സ്വീകരിക്കാനെത്തിയ എം പിയും നേതാക്കളും നിരാശരായി മടങ്ങി
വി ഡി സതീശന്‍ സ്വയം രാജാവാണെന്നു കരുതുന്ന ആള്‍, അഹങ്കാരത്തിന്റെ ആള്‍രൂപം: വെള്ളാപ്പള്ളി നടേശന്‍
സി പി എമ്മിനെ നയിക്കാന്‍ വയനാട്ടില്‍ യുവരക്തം; കെ റഫീക്ക് ജില്ലാ സെക്രട്ടറി
വര്‍ഗീയതക്കെതിരായ വിജയരാഘവന്റെ പ്രസംഗം പാര്‍ട്ടി നിലപാടെന്ന് ആവര്‍ത്തിച്ച് നേതാക്കള്‍
കോട്ടയം സ്വദേശിയയെ കാനഡയില്‍ മരിച്ച നിലയില്‍ കണ്ടെത്തി
ആശുപത്രിയിലേയ്ക്ക് കൊണ്ടുപോകുന്നതിനിടെ ആദിവാസി യുവതി ജീപ്പില്‍ പ്രസവിച്ചു
