ജയിച്ചേ തീരൂ; മഞ്ഞപ്പടക്ക് ഇന്ന് നേരിടാനുള്ളത് കരുത്തരെ

കൊച്ചി | ഐ എസ് എലില്‍ കേരള ബ്ലാസ്റ്റേഴ്‌സിന് ഇന്ന് നേരിടാനുള്ളത് സീസണില്‍ തകര്‍പ്പന്‍ ഫോമിലുള്ള എഫ് സി ഗോവയെ. കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ രാത്രി 7.30നാണ് പോരാട്ടം. പോയിന്റ് ടേബിളില്‍ മൂന്നാം സ്ഥാനത്താണ് ഗോവ. 4 മത്സരങ്ങളില്‍ മൂന്ന് ജയവും ഒരു തോല്‍വിയുമായി ഒമ്പത് പോയിന്റോടെ പട്ടികയില്‍ നാലാമതാണ് ഗോവ. രണ്ട് ജയത്തോടെ ആറ് പോയിന്റുമായി ബ്ലാസ്റ്റേഴ്സ് ഏഴാമതും.

ജയിച്ചു തുടങ്ങിയ ബ്ലാസ്‌റ്റേഴ്‌സ് തുടര്‍ന്നുള്ള മൂന്ന് മത്സരങ്ങളില്‍ ദയനീയമായി പരാജയപ്പെട്ടു. അഞ്ചാം അങ്കത്തില്‍ നോര്‍ത്ത് ഈസ്റ്റിനെ ഏകപക്ഷീയമായ മൂന്ന് ഗോളിന് തകര്‍ത്ത് വന്‍ തിരിച്ചുവരവ് നടത്തി. ഹോം ഗ്രൗണ്ടില്‍ മഞ്ഞപ്പട മികച്ച പ്രകടനം പുറത്തെടുക്കുമെന്ന പ്രതീക്ഷയിലാണ് ആരാധകര്‍.