മാനസിക സമ്മര്‍ദം കുറക്കാനുള്ള ക്ലാസിലെത്താന്‍ വൈകി; പോലീസുകാര്‍ക്ക് മെമ്മോ

കൊല്ലം  | മാനസികസമ്മര്‍ദം കുറക്കാനുള്ള ക്ലാസിലെത്താന്‍ വൈകിയ പോലീസ് ഉദ്യോഗസ്ഥര്‍ക്ക് കാരണം കാണിക്കല്‍ നോട്ടീസ്. കൊല്ലം കിളികൊല്ലൂര്‍ പോലീസ് സ്റ്റേഷനിലെ എസ് ഐ ഉള്‍പ്പെടെ എട്ട് പോലീസുകാര്‍ക്കാണ് മെമ്മോ ലഭിച്ചത്.

ചൊവ്വാഴ്ച രാവിലെ ഏഴിനാണ് ക്ലാസുകള്‍ ഓണ്‍ലൈനായി സംഘടിപ്പിച്ചത്. ക്ലാസില്‍ എത്താന്‍ വൈകിയവര്‍ക്കെല്ലാം സ്റ്റേഷന്‍ ഹൗസ് ഓഫീസര്‍ മെമ്മോ നല്‍കുകയായിരുന്നു.മാനസികസമ്മര്‍ദവും ശാരീരിക വെല്ലുവിളികളും നേരിടുന്ന പോലീസ് ഉദ്യോഗസ്ഥര്‍ക്ക് അവബോധ ക്ലാസുകള്‍ നല്‍കണമെന്ന പോലീസ് മേധാവിയുടെ നിര്‍ദേശത്തെ തുടര്‍ന്നാണ് ക്ലാസ് സംഘടിപ്പിച്ചത്.