Kerala
ബിജു കുര്യന് പഠനയാത്രക്ക് പോകാന്‍ യോഗ്യതയുണ്ട്; നടപടിക്രമങ്ങളില്‍ വീഴ്ചയില്ലെന്ന് കൃഷിവകുപ്പ്
ബിജു കുര്യന് പഠന യാത്രക്ക് തിരഞ്ഞെടുക്കപ്പെടാന്‍ ആവശ്യമായ യോഗ്യത ഉണ്ടായിരുന്നുവെന്ന് കൃഷിവകുപ്പ് നിയോഗിച്ച അന്വേഷണ സംഘം.
കണ്ണൂര്‍ | നൂതന കൃഷിരീതികള്‍ പഠിക്കാന്‍ ഇസ്‌റാഈലിലേക്ക് പോയ കര്‍ഷകരുടെ സംഘത്തിലേക്ക് കണ്ണൂര്‍ സ്വദേശി ബിജു കുര്യനെ തിരഞ്ഞെടുത്തതുമായി ബന്ധപ്പെട്ട നടപടിക്രമങ്ങളില്‍ വീഴ്ചയില്ലെന്ന് കൃഷിവകുപ്പ്. ബിജു കുര്യന് പഠന യാത്രക്ക് തിരഞ്ഞെടുക്കപ്പെടാന്‍ ആവശ്യമായ യോഗ്യത ഉണ്ടായിരുന്നുവെന്ന് കൃഷിവകുപ്പ് നിയോഗിച്ച അന്വേഷണ സംഘം വ്യക്തമാക്കി.
ബിജുവിന്റെ കണ്ണൂര്‍ ഇരിട്ടി പായത്തെ കൃഷിഭൂമിയില്‍ കണ്ണൂര്‍, കാസര്‍കോട് ജില്ലകളിലെ കൃഷി ഓഫീസര്‍മാരുടെ പ്രത്യേക സംഘം പരിശോധന നടത്തി. സംഘം രണ്ട് ദിവസത്തിനകം കൃഷി വകുപ്പിന് റിപ്പോര്‍ട്ട് സമര്‍പ്പിക്കും.
അനര്‍ഹമായ രീതിയിലാണ് ബിജു കുര്യന് അടക്കമുള്ള പലരും പഠനയാത്രക്ക് തിരഞ്ഞെടുക്കപ്പെട്ടതെന്നായിരുന്നു ആരോപണം. ഇതിന്റെ അടിസ്ഥാനത്തില്‍ പ്രാഥമിക റിപ്പോര്‍ട്ട് സമര്‍പ്പിക്കാന്‍ പായം പഞ്ചായത്തിലെ കൃഷി ഓഫീസര്‍ കെ ജെ രേഖയോട് കൃഷിവകുപ്പ് നിര്‍ദേശം നല്‍കിയിരുന്നു. ഇതിനു പിന്നാലെയാണ് വിശദമായ അന്വേഷണം കൃഷിവകുപ്പ് പ്രഖ്യാപിച്ചത്.
ഈ മാസം 12നാണ് നവീന കൃഷിരീതികള്‍ പരിശീലിക്കുന്നതിനായി 27 അംഗ സംഘം ഇസ്‌റാഈലിലേക്ക് തിരിച്ചത്. ഇവരില്‍ ഒരാളായ കണ്ണൂര്‍ ഇരിട്ടി സ്വദേശി ബിജുവിനെ കഴിഞ്ഞ വെള്ളിയാഴ്ച കാണാതാവുകയായിരുന്നു. 17-ാം തീയതി ഭക്ഷണം കഴിക്കാനായി പുറത്തിറങ്ങിയ സംഘത്തില്‍ നിന്നും ബിജുവിനെ കാണാതായെന്നാണ് വിവരം.
Latest
കോഴിക്കോട് രാത്രി കഞ്ചാവുമായി ഇതരസംസ്ഥാന തൊഴിലാളി അറസ്റ്റില്‍
ഹെഡ് സെറ്റ് വെച്ച് മൊബൈല്‍ ഫോണില്‍ ഗെയിംസ് കളിച്ചു പാളത്തിലൂടെ നടന്നു; രണ്ട് വിദ്യാര്‍ഥികള്‍ ട്രെയിന്‍ ഇടിച്ച് മരിച്ചു
രാഷ്ട്രീയ ആക്രമണമല്ല, ഉള്ളിലെ സംഘി പുറത്തുവരുന്നതാണ്; മുഖ്യമന്ത്രിക്കെതിരെ രാഹുല്‍ മാങ്കൂട്ടത്തില്‍
നഴ്‌സിംഗ് വിദ്യാര്‍ഥിനിയുടെ മരണം; പോലീസ് ഇന്ന് മൊഴിയെടുക്കും
ഫോറന്‍സിക് പരിശോധനക്ക് ദുബൈയില്‍ പുതിയ സൗകര്യം വരുന്നു
കാര്‍ഷിക സമൂഹത്തിനായി യു എ ഇ ചാറ്റ് ജി പി ടി ടൂള്‍ വികസിപ്പിച്ചു; ലോകത്തിലെ ആദ്യത്തേത്
