Kerala
ബിജു മേനോന്, ജോജു ജോര്‍ജ് മികച്ച നടന്മാര്‍; രേവതി നടി
ആവാസ വ്യൂഹം ആണ് മികച്ച ചിത്രം. ദിലീഷ് പോത്തന്‍ മികച്ച സംവിധായകനായി (ചിത്രം: ജോജി)തിരഞ്ഞെടുക്കപ്പെട്ടു.
തിരുവനന്തപുരം | 2021ലെ സംസ്ഥാന ചലച്ചിത്ര അവാര്‍ഡുകള്‍ പ്രഖ്യാപിച്ചു. മികച്ച നടനുള്ള അവാര്‍ഡ് ബിജു മേനോനും ജോജു ജോര്‍ജും പങ്കിട്ടു. ആര്‍ക്കറിയാം എന്ന ചിത്രത്തിലെ അഭിനയത്തിനാണ് ബിജു മേനോന് അവാര്‍ഡ്. തുറമുഖം, മധുരം, നായാട്ട് എന്നീ സിനിമകളിലെ പ്രകടനമാണ് ജോജുവിന് അവാര്‍ഡ് നേടിക്കൊടുത്തത്. രേവതിയാണ് നടി (ഭൂതകാലം). ആവാസ വ്യൂഹം ആണ് മികച്ച ചിത്രം. ദിലീഷ് പോത്തന്‍ മികച്ച സംവിധായകനായി (ചിത്രം: ജോജി)തിരഞ്ഞെടുക്കപ്പെട്ടു. തിരുവനന്തപുരത്ത് നടന്ന വാര്‍ത്താ സമ്മേളനത്തില്‍ സാംസ്‌കാരിക വകുപ്പു മന്ത്രി സജി ചെറിയാനാണ് പുരസ്‌കാരങ്ങള്‍ പ്രഖ്യാപിച്ചത്. 29 ചിത്രങ്ങളാണ് അന്തിമ പട്ടികയില്‍ പരിഗണിച്ചത്. ഹിന്ദി ചലച്ചിത്ര സംവിധായകന്‍ സയ്യിദ് അഖ്തര്‍ മിര്‍സയായിരുന്നു ജൂറി ചെയര്‍മാന്‍. ‘അവനോവിലോന’ പ്രത്യേക ജൂറി പുരസ്‌കാരത്തിന് അര്‍ഹമായി. പ്രദീപ് കുമാര്‍ ആണ് പിന്നണി ഗായകന്‍ (മിന്നല്‍ മുരളി). സിതാര കൃഷ്ണകുമാര്‍ ആണ് ഗായിക (കാണെക്കാണെ). സംഗീത സംവിധായകനുള്ള പുരസ്‌കാരം ഹിഷാം അബ്ദുല്‍ വഹാബിനാണ് (ഹൃദയം).
തിരക്കഥാകൃത്ത് (അഡാപ്റ്റേഷന്‍)-ശ്യാം പുഷ്‌കരന്‍-ജോജി.
തിരക്കഥാകൃത്ത്-കൃഷാന്ത് (ആവാസവ്യൂഹം).
കാമറ- മധു നീലകണ്ഠന്‍ (ചുരുളി).
കഥ-ഷാഹി കബീര്‍ (നായാട്ട്).
സ്വഭാവ നടി-ഉണ്ണിമായ (ജോജി).
സ്വഭാവ നടന്‍-സുമേഷ് മൂര്‍ (കള).
സ്ത്രീ-ട്രാന്‍സ്ജെന്‍ഡര്‍ പുരസ്‌കാരം-അന്തരം.
എഡിറ്റിംഗ്-ആന്‍ഡ്രൂ ഡിക്രൂസ് (മിന്നല്‍ മുരളി).
കുട്ടികളുടെ ചിത്രം-കാടകം (സംവിധാനം: സഹില്‍ രവീന്ദ്രന്‍).
മികച്ച നവാഗത സംവിധായകന്‍- കൃഷ്ണേന്ദു.
മികച്ച ജനപ്രിയ ചിത്രം-ഹൃദയം.
നൃത്തസംവിധാനം-അരുണ്‍ലാല്‍ (ചവിട്ട്).
വസ്ത്രാലങ്കാരം-മെല്‍വി ജെ (മിന്നല്‍ മുരളി).
മേക്കപ്പ് ആര്‍ട്ടിസ്റ്റ്-രഞ്ജിത് അമ്പാടി (ആര്‍ക്കറിയാം).
ജനപ്രിയ ചിത്രം-ഹൃദയം.
ശബ്ദമിശ്രണം-ജസ്റ്റിന്‍ ജോസ് (മിന്നല്‍ മുരളി).
കലാസംവിധാനം-ഗോകുല്‍ദാസ് (തുറമുഖം).
ചിത്രസംയോജകന്‍- മഹേഷ് നാരായണന്‍, രാജേഷ് രാജേന്ദ്രന്‍ (നായാട്ട്).
സംഗീത സംവിധായകന്‍ ബി ജി എം- ജസ്റ്റിന്‍ വര്‍ഗീസ് (ജോജി).
സംഗീത സംവിധായകന്‍-ഹിഷാംഗാന രചയിതാവ്- ബി കെ ഹരിനാരായണന്‍ (കാടകം).
രണ്ടാമത്തെ ചിത്രം- ചവിട്ട്, സജാസ് റഹ്‌മാന്‍- ഷിനോസ് റഹ്‌മാന്‍. നിഷിദ്ധോ -താരാ രാമാനുജന്‍.
Latest
ഉമർ ഫൈസിക്കെതിരെ നടപടിയില്ല; പഠിക്കാൻ സമിതി
ഫണ്ട് വെട്ടിപ്പ്; മധു മുല്ലശ്ശേരിയുടെ ജാമ്യാപേക്ഷ കോടതി തള്ളി
കളിക്കുന്നതിനിടെ തെരുവ് നായയെ കണ്ട് ഭയന്നോടിയ കുട്ടി കിണറ്റില്‍ വീണ് മരിച്ചു
നീല ട്രോളി ബാഗ് വിവാദം; എന്‍ എന്‍ കൃഷ്ണദാസിനെ പാര്‍ട്ടി പരസ്യമായി താക്കീത് ചെയ്യും
കോടികളുടെ നികുതി വെട്ടിപ്പ്; പാലക്കാട്ടെ ആക്ര വ്യാപാരി അറസ്റ്റില്‍
പ്ലാപ്പള്ളി- തുലാപ്പള്ളി റോഡില്‍ വാഹനങ്ങളുടെ പ്രവേശനം നിരോധിച്ചു
