National
'ജയ് ശ്രീറാം' കേട്ട് മാത്രം വോട്ട് ചെയ്യരുതെന്ന് ബി ജെ പി നേതാവ് വരുണ്‍ ഗാന്ധി
മധുര വാക്കുകള്‍ പറഞ്ഞ് നിങ്ങളുടെ വോട്ട് മോഷ്ടിക്കുന്നവരല്ല ഗാന്ധി കുടുംബമെന്നായിരുന്നു വരുണ്‍ ഗാന്ധിയുടെ പരാമര്‍ശം.
പിലിഭിത്ത് | ജയ് ശ്രീറാം, ഭാരത് മാതാ കി ജയ് വിളികള്‍ മാത്രം കേട്ട് വോട്ട് ചെയ്യരുതെന്ന് അണികളെ ബോധ്യപ്പെടുത്തി ബി ജെ പി നേതാവ് വരുണ്‍ ഗാന്ധി എം പി. കാരണം, അതിന് ശേഷം നിങ്ങള്‍ വെറും അക്കമാകുമെന്നും നിങ്ങളൊരു അക്കമാകുന്നത് താന്‍ ആഗ്രഹിക്കുന്നില്ലെന്നും വരുണ്‍ ഗാന്ധി പറഞ്ഞു. തന്റെ മണ്ഡലമായ പിലിഭിത്തില്‍ ബി ജെ പി പരിപാടിയില്‍ സംസാരിക്കുകയായിരുന്നു അദ്ദേഹം.
ഗാന്ധി കുടുംബത്തെ പ്രശംസിക്കാനും അദ്ദേഹം മറന്നില്ല. മധുര വാക്കുകള്‍ പറഞ്ഞ് നിങ്ങളുടെ വോട്ട് മോഷ്ടിക്കുന്നവരല്ല ഗാന്ധി കുടുംബമെന്നായിരുന്നു വരുണ്‍ ഗാന്ധിയുടെ പരാമര്‍ശം. സാമ്പ്രദായിക ബി ജെ പി പ്രചാരണത്തിന് എതിരായ കാര്യമാണ് വരുണ്‍ ഗാന്ധി പറഞ്ഞത്.
ജയ് ശ്രീറാമും ഗാന്ധി കുടുംബത്തിനെതിരെയുള്ള കടുത്ത വിമര്‍ശവുമാണ് ബി ജെ പി നേതാക്കളുടെ പ്രസംഗങ്ങളിലെ പ്രധാന വിഷയങ്ങള്‍. ഇതേ പരിപാടിയില്‍ പങ്കെടുത്ത ഒരു സന്യാസിയെ വെച്ച് ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥിനെ കൊട്ടാനും വരുണ്‍ ഗാന്ധി മറന്നില്ല. 2024 തിരഞ്ഞെടുപ്പിന് മുമ്പായി വരുണ്‍ കോണ്‍ഗ്രസിലേക്ക് വരുമെന്ന സൂചനകള്‍ ശക്തമാക്കുകയാണ് ഇത്തരം സമീപനങ്ങള്‍.
Latest
നൂറുല്‍ ഉലമ; വാക്കും വരയും പടവാളാക്കിയ പണ്ഡിതന്‍ :എന്‍ അലി അബ്ദുല്ല
നഴ്‌സിങ് വിദ്യാര്‍ഥിനിയുടെ മരണം; സഹപാഠികളെ കസ്റ്റഡിയില്‍ കിട്ടാന്‍ പോലീസ് കോടതിയില്‍ അപേക്ഷ നല്‍കി
തിരുവനന്തപുരത്തും കോട്ടയത്തുമായി കഞ്ചാവുമായി രണ്ട് പേര്‍ പിടിയില്‍
കര്‍ണാടകയിലും കരുത്തറിയിച്ച് കോണ്‍ഗ്രസ്; ദയനീയ പരാജയവുമായി ബിജെപി
പെര്‍ത്ത് ടെസ്റ്റ്; തകര്‍ത്തടിച്ച് ജയ്‌സ്വാളും രാഹുലും, ഇന്ത്യ ശക്തമായ നിലയില്‍
മുനമ്പത്ത് ആരെയും കുടിയിറക്കില്ല; സമരക്കാര്‍ക്ക് മുഖ്യമന്ത്രിയുടെ ഉറപ്പ്
