അരവിന്ദ് കെജ് രിവാളിന്റെ രാജി ആവശ്യപ്പെട്ട് ഡല്‍ഹി നിയമസഭക്ക് പുറത്ത് ബിജെപിയുടെ പ്രതിഷേധം

ന്യൂഡല്‍ഹി | ഇ ഡി അറസ്റ്റ് ചെയ്തതിന് പിന്നാലെ ഡല്‍ഹി മുഖ്യമന്ത്രി അരവിന്ദ് കെജ് രിവാളിന്റെ രാജി ആവശ്യപ്പെട്ട് ഡല്‍ഹി നിയമസഭക്ക് പുറത്ത് ബിജെപി യുടെ പ്രതിഷേധം. കെജ് രിവാളിന്റെ രാജി ആവശ്യപ്പെട്ടുകൊണ്ടുള്ള പ്ലക്കാര്‍ഡുകള്‍ ഉയര്‍ത്തി ബിജെപി എം എല്‍ എ മാരും പ്രവര്‍ത്തകരും പ്രകടനം നടത്തി.പ്രതിഷേധക്കാരെ  പോലീസ് അറസ്റ്റ് ചെയ്ത് നീക്കി.

മദ്യനയ അഴിമതിക്കേസില്‍ മാര്‍ച്ച് 21നാണ് അരവിന്ദ് കെജ്രിവാളിനെ ഇ.ഡി അറസ്റ്റ് ചെയ്തത്.ഈമാസം 28 വരെയാണ് കസ്റ്റഡി കാലാവധി. ഡല്‍ഹി റോസ് അവന്യു കോടതിയുടേതാണ് ഉത്തരവ്. കെജ്രിവാളിനെ 10 ദിവസത്തെ കസ്റ്റഡിയില്‍ വിടണമെന്നായിരുന്നു ഇ ഡി ആവശ്യപ്പെട്ടിരുന്നത്. മൂന്നേകാല്‍ മണിക്കൂര്‍ നീണ്ട വാദപ്രതിവാദങ്ങള്‍ കേട്ട ശേഷമാണ് കോടതി ഉത്തരവ് പുറപ്പെടുവിച്ചത്.