Ongoing News
ബഗാനെയും വീഴ്ത്തി ബ്ലാസ്റ്റേഴ്സ്; ജയം ഒരു ഗോളിന്
ഒമ്പതാം മിനുട്ടില്‍ ദിമിത്രിയോസ് ഡയമന്റകോസിന്റെ വകയായിരുന്നു ഗോള്‍.
കൊല്‍ക്കത്ത | ഐ എസ് എല്ലില്‍ മുംബൈക്കു പിന്നാലെ കൊല്‍ക്കത്ത മോഹന്‍ ബഗാനെയും പരാജയപ്പെടുത്തി കേരള ബ്ലാസ്റ്റേഴ്സിന്റെ ജൈത്രയാത്ര. ഏകപക്ഷീയമായ ഒരു ഗോളിനാണ് ബ്ലാസ്റ്റേഴ്സ് വിജയം നേടിയത്.
ഒമ്പതാം മിനുട്ടില്‍ ദിമിത്രിയോസ് ഡയമന്റകോസിന്റെ വകയായിരുന്നു ഗോള്‍. ബഗാന്റെ മൂന്ന് പ്രതിരോധ നിരക്കാരെ വിദഗ്ധമായി മറികടന്ന് കുതിച്ച ശേഷം ദിമിത്രിയോസ് ഇടംകാല്‍ കൊണ്ടു തൊടുത്ത ഷോട്ട് വലയില്‍ കയറുകയായിരുന്നു. കളിയുടെ ബാക്കി സമയം മുഴുവന്‍ ഈ ഗോളിനെ പ്രതിരോധിച്ചു നിര്‍ത്താന്‍ ബ്ലാസ്‌റ്റേഴ്‌സിനു കഴിഞ്ഞു.
ഐ എസ് എല്‍ ചരിത്രത്തിലാദ്യമായാണ് മോഹന്‍ ബഗാനെ ബ്ലാസ്റ്റേഴ്സ് വീഴ്ത്തുന്നത്. വിജയത്തോടെ ലീഗില്‍ 26 പോയിന്റുമായി കേരള ബ്ലാസ്റ്റേഴ്സ് ഒന്നാമതെത്തി. മോഹന്‍ ബഗാന്റെ തുടര്‍ച്ചയായ മൂന്നാം തോല്‍വിയാണിത്. പോയിന്റ് പട്ടികയില്‍ അഞ്ചാം സ്ഥാനത്താണ് നിലവില്‍ ബഗാന്.
എവേ മൈതാനത്തായിരുന്നിട്ടും മത്സരത്തിലുടനീളം ബ്ലാസ്റ്റേഴ്സിന്റെ ആധിപത്യമാണ് കണ്ടത്. ആദ്യ പകുതിയില്‍ മോഹന്‍ ബഗാന് ലക്ഷ്യത്തിലേക്ക് ഒരു ഷോട്ട് പോലും തൊടുക്കാനായില്ല. ബ്ലാസ്റ്റേഴ്സിന്റെ മലയാളി താരം കെ പി രാഹുലിന് മികച്ച മൂന്ന് ഗോളവസരങ്ങള്‍ ലഭിച്ചു. എന്നാല്‍ ഫിനിഷിംഗില്‍ പിഴവ് വിനയായി.
Latest
ബസിന് അടിയില്‍പ്പെട്ടു; വീട്ടമ്മയുടെ കാലറ്റു
തിരുവനന്തപുരം വിമാനത്താവളത്തില്‍ തെരുവുനായ ആക്രമണം; പത്തനംതിട്ട സ്വദേശിക്ക് കടിയേറ്റു
അഞ്ച് വയസ്സുകാരിയെ പീഡിപ്പിച്ചു കൊലപ്പെടുത്തിയ കേസ്: രണ്ടാനച്ഛന്‍ കുറ്റക്കാരന്‍, വിധി വ്യാഴാഴ്ച
ഗുജറാത്തില്‍ ബുള്ളറ്റ് ട്രെയിന്‍ പദ്ധതിക്കായി നിര്‍മിക്കുന്ന പാലം തകര്‍ന്നു; മൂന്നുപേര്‍ അവശിഷ്ടങ്ങള്‍ക്കിടയില്‍ കുടുങ്ങി
മാലേഗാവ് സ്ഫോടനക്കേസ്: പ്രഗ്യാ സിംഗ് ഠാക്കൂറിനെതിരെ ജാമ്യമില്ലാ വാറണ്ട്
ഇഖ്റ ഹോസ്പിറ്റല്‍ മണിപ്പാല്‍ അക്കാദമിയുടെ അംഗീകൃത ഗവേഷണ കേന്ദ്രം
