വീണ്ടും തോറ്റ് ബ്ലാസ്‌റ്റേഴ്‌സ്; ഹൈദരാബാദിനോട് 1-2ന് അടിയറവ്

കൊച്ചി | ഐ എസ് എലില്‍ കേരള ബ്ലാസ്റ്റേഴ്‌സിന് തുടര്‍ച്ചയായ മൂന്നാം തോല്‍വി. ഇന്നത്തെ മത്സരത്തില്‍ ബ്ലാസ്‌റ്റേഴ്‌സ്, ഹൈദരാബാദ് എഫ് സിയോട് പരാജയപ്പെട്ടു. ഒന്നിനെതിരെ രണ്ട് ഗോളിനാണ് ഹൈദരാബാദിന്റെ വിജയം.

ജീസസ് ജിമെനെസിന്റെ ഗോളിലൂടെ ബ്ലാസ്‌റ്റേഴ്‌സ് ആണ് ആദ്യം മുന്നിലെത്തിയത്. എന്നാല്‍, 43ാം മിനുട്ടില്‍ ആന്‍ഡ്രേയ് അല്‍ബയുടെ ഗോള്‍ ഹൈദരാബാദിന് സമനില നേടിക്കൊടുത്തു.

70ാം മിനുട്ടില്‍ അല്‍ബ തന്നെ വീണ്ടും സ്‌കോര്‍ ചെയ്തു. പൂര്‍ണ സമയം വരെ ബ്ലാസ്റ്റേഴ്‌സ് തിരിച്ചുവരവിനായി പൊരുതിയെങ്കിലും വിഫലമായി.