Kerala
നടി ഹണി റോസ് നല്‍കിയ പരാതിയില്‍ ബോബി ചെമ്മണ്ണൂര്‍ കസ്റ്റഡിയില്‍
വയനാട്ടില്‍വച്ചാണ് ബോബി ചെമ്മണ്ണൂരിനെ കസ്റ്റഡിയിലെടുത്തത്.
കല്‍പ്പറ്റ| നടി ഹണി റോസ് നല്‍കിയ പരാതിയുടെ അടിസ്ഥാനത്തില്‍ വ്യവസായി ബോബി ചെമ്മണൂര്‍ കസ്റ്റഡില്‍. വയനാട്ടില്‍വച്ചാണ് ബോബി ചെമ്മണ്ണൂരിനെ കസ്റ്റഡിയിലെടുത്തത്. ബോബി ചെമ്മണ്ണൂരിന്റെ നീക്കങ്ങള്‍ പോലീസ് നിരീക്ഷിച്ച് വരികയായിരുന്നു.
വയനാട്ടിലുള്ള റിസോര്‍ട്ടിലേക്ക് ബോബി മാറിയെന്ന് പോലീസിന് വിവരം ലഭിച്ചിരുന്നു. ഇക്കാര്യം കൊച്ചി പോലീസ് വയനാട് പോലീസിനെ അറിയിച്ചു. കൊച്ചിയില്‍ നിന്നെത്തിയ പോലീസ് സംഘവും എത്തിയാണ് ബോബി ചെമ്മണ്ണൂരിനെ കസ്റ്റഡിയിലെടുത്തത്.
ഹണി റോസ് നല്‍കിയ പരാതിയില്‍ എടുത്ത സൈബര്‍ അധിക്ഷേപ കേസ് പ്രത്യേക സംഘമാണ് അന്വേഷിക്കുന്നത്. സെന്‍ട്രല്‍ എസിപി ജയകുമാറിന്റെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുക. സെന്‍ട്രല്‍ സിഐയുടെ നേതൃത്വത്തില്‍ അന്വേഷണവും സെന്‍ട്രല്‍ എസിപിക്ക് കേസിന്റെ മേല്‍നോട്ട ചുമതലയും നല്‍കിയിട്ടുണ്ട്. സൈബര്‍ സെല്‍ അംഗങ്ങളും അന്വേഷണ സംഘത്തിലുണ്ട്. ആവശ്യമെങ്കില്‍ അന്വേഷണസംഘം വിപുലീകരിക്കുമെന്നും കൊച്ചി പോലീസ് അറിയിച്ചു.
ഹണി റോസിന്റെ പരാതിയില്‍ ഫേസ്ബുക്കില്‍ നിന്ന് കൊച്ചി പോലീസ് വിവരങ്ങള്‍ തേടി. ഈ പരാതിയില്‍ മൊഴി നല്‍കിയ ഹണി റോസ് ഇന്‍സ്റ്റാഗ്രാമിലടക്കം തനിക്കെതിരെ വന്ന അധിക്ഷേപ കമന്റുകളുടെ സ്‌ക്രീന്‍ഷോട്ട് സഹിതം പോലീസിന് കൈമാറി. അശ്ലീല കമന്റിട്ട 20 പേരെ തിരിച്ചറിഞ്ഞെന്നും നടപടി തുടരുമെന്നും കൊച്ചി സിറ്റി പോലീസ് വ്യക്തമാക്കി.
Latest
സമകാലികത്തില് കത്തിക്കയറി ഇംഗ്ലീഷ് സ്കിറ്റ്
ബാല്യ-കൗമാരത്തിലേക്കുള്ള യാത്രയെന്ന് പ്രതിപക്ഷ നേതാവ്
പന്ത്രണ്ടിലും ഗുരുകുലം
കാല് നൂറ്റാണ്ടിനു ശേഷം വീണ്ടും കിരീടം; തൃശൂരിനിത് മധുരപ്രതികാരം
സ്വര്ണക്കപ്പില് വീണ്ടും ശില്പ്പിയുടെ സ്പര്ശം
വെള്ളാര്മലയുടെ അതിജീവന വഞ്ചി
